చిరంజీవికి మెగా ఫ్యాన్ లేఖ.. ఖైదీ 150, సైరా, లూసిఫర్‌ లు మాకొద్దు..!

మెగాస్టార్ చిరంజీవి హీరోగా నటించిన తాజా చిత్రం “గాడ్ ఫాదర్“. “లూసిఫర్” కి రీమేక్ గా వస్తున్న ఈ చిత్రంలో చిరు రాజకీయ నాయకుడి పాత్రలో కనిపించనున్నాడు. ఈ చిత్రం ఇప్పటికే తెలుగులో డబ్ అయినప్పటికీ పలుమార్పులు చేసి, ఈ చిత్రాన్ని తెలుగులో ప్రేక్షకులకు మళ్లీ అందిస్తున్నారు. ఈ సినిమా దసరా రోజున రిలీజ్‌ అవుతోంది. ఈ నేపథ్యంలోనే.. చిరంజీవికి మెగా ఫ్యాన్ రాసిన లేఖ వైరల్‌ గా మారింది. ఖైదీ 150, సైరా, లూసిఫర్‌ లు మాకొద్దంటూ ఆవేదన వ్యక్తం చేశాడు ఆ ఫ్యాన్‌. ఇక ఈ లెటర్‌ వివరాల్లోకి వెళితే..

చిరంజీవి గారు, 

ఒక సినిమాలో ఆ తార కాకుండా ఆ పాత్ర మాత్రమే కనిపించినప్పుడు అది అసలీ నటన. కన్యాశుల్కంలో ఎన్.టి.ఆర్ కనిపించడు. గిరీశం మాత్రమే కనిపిస్తాడు. చంటబ్బాయి లో చిరంజీవి కనిపించడు. పాండురంగరావు మాత్రమే ఉంటాడు. నాకు ఆ చిరంజీవి కావాలి.

ఆ రుద్రవీణ సూర్యం కావాలి. ఆ గ్యాంగ్ లీడర్ రాజారామ్ కావాలి. ఈ ఖైదీ 150, సైరా, లూసిఫర్ వద్దు! తెలుగు వాళ్లకి సినిమా పిచ్చి సార్! లూసిఫర్ మేము ఎప్పుడో చూసేసాం. అయినా మోహన్ లాల్ మనోడే. పృథ్విరాజ్ మనోడే! మళ్లీ అదే కథ మీతో చూసి ఏం చేయమంటారు?

అయినా రీమేక్లే తప్ప మన దగ్గర కథలు లేవా? కథనాలు లేవా? మీరు ఏదో మాట వరసకి “అర్థాకలి” అంటూ ఉంటారు గాని, మీకు ఆకలే లేదు. ఆ సూర్యం పాత్రలో “నేను సైతం” అంటూ బయటకు వచ్చే నటుడు నాకు కనిపించట్లేదు. ఖైదీ #150 కి మీరు ఎందుకు సార్? మీ రేంజ్ ఏంటి మీరు చేసే కథలేంటి? ఇంకెన్ని రోజులండి ఈ కథలు రాయడం రాని కథకులతో, వీళ్ళు సీన్లు తీయడంలో సినిమాని మర్చిపోయారు. మీరు పస్తు ఉండండి కొన్ని రోజులు. చిరంజీవి కనిపించకుండా నటించండి. అది చూడాలని ఉంది. తప్పుగా భావించకండి! మీకు అద్దం చూపించాలి మరి!

Read also : విక్రమ్ నుంచి శోభిత వరకు పొన్నియ‌న్ సెల్వ‌న్-1 మూవీకి ఎంత రెమ్యునరేషన్ తీసుకున్నారో తెలుసా ?

A short letter to @KChiruTweets pic.twitter.com/8TSViwYlJo

— Ananda Sangeetam (@anuswaram) September 22, 2021