“హనుమాన్” సినిమాలో బాలయ్యకి అవమానం..? ఎదో చేద్దాం అనుకుంటే.. ఇంకేదో అయిందిగా!

ప్రశాంత్ వర్మ దర్శకత్వం వహించిన తెలుగు సూపర్ హీరో సినిమా “హనుమాన్” ప్రేక్షకుల ముందుకు వచ్చి అలరిస్తున్న సంగతి తెలిసిందే. ఈ చిత్రంలో తేజ సజ్జ, అమృత అయ్యర్, మరియు వరలక్ష్మి శరత్ కుమార్ ప్రధాన పాత్రలు పోషించారు, వినయ్ రాయ్, రాజ్ దీపక్ శెట్టి, వెన్నెల కిషోర్, గెటప్ శ్రీను, సత్య మరియు పలువురు ఇతర ముఖ్య పాత్రలలో కనిపించారు. పాజిటివ్ టాక్ తో ఈ సినిమా థియేటర్లలో దూసుకెళ్ళిపోతోంది. అయితే.. ఈ సినిమాను అందరూ మెచ్చుతున్నా.. బాలయ్య ఫాన్స్ మాత్రం గుర్రుగా ఉన్నారు. దానికి కారణం బాలయ్యకు సంబంధించిన సన్నివేశంపై అసంతృప్తిగా ఉన్నారు.

వీటిని కూడా చదవండి: గుంటూరు కారం సినిమాలో పవన్, చంద్రబాబు కి ఇచ్చిన ఇండైరెక్ట్ సపోర్ట్ గమనించారా?

కథ పరంగా రొటీన్ అనిపించినా.. ఈ సినిమాలో సన్నివేశాలు, హనుమంతుడు ఎలివెంట్లు నెక్స్ట్ లెవెల్ లో ఉన్నాయి. ఈ మూవీ పిల్లలకు బాగా నచ్చుతుంది. ఫ్యామిలీ ఆడియన్స్ లోనూ ఈ సినిమా మంచి ఆదరణ పొందనుంది. అయితే ఈ మూవీ యూనిట్ పై బాలయ్య ఫాన్స్ మాత్రం అసంతృప్తితో ఉంటున్నారు. అసలు ఈ సినిమాలో బాలయ్యకి అవమానం కలిగించిన సన్నివేశం ఏంటో ఇప్పుడు చూద్దాం.

వీటిని కూడా చదవండి: Saindhav Movie Telugu Review: సైంధ‌వ్ మూవీ రివ్యూ

ఈ సినిమాలో తేజ సజ్జలోకి హనుమంతుడి పవర్ వస్తుంది. అతనికి ఓ నదిలో హనుమంతుడి రక్తపు బొట్టుతో ఏర్పడిన మణి ఒకటి దొరుకుతుంది. సూర్య రశ్మి ఉన్న సమయంలో ఆ మణిలోని పవర్ తేజ సజ్జాకు వస్తూ ఉంటుంది. అలా ఆ పవర్ తో రౌడీలను చితకబాదుతూ ఉంటాడు. మొదట్లో ఈ పవర్ గురించి హీరోకి కూడా తెలియదు. అల్లర చిల్లరగా వాడేస్తూ ఉంటాడు. ఈ క్రమంలోనే గెటప్ శ్రీనుతో కలిసి ఓ డ్రామా చేస్తాడు. ఇతర హీరోల పాపులర్ సీన్స్, డైలాగ్స్ ను రెచ్చిపోయి చెప్పేస్తూ ఉంటాడు. `పల్నాటి బ్రహ్మనాయుడు` సినిమాలో ట్రైన్ సీన్ ని కూడా టెస్ట్ చేస్తారు. ఇందులో బాలయ్య బాబు జై చెన్నకేశవ అని తొడగొడితే ట్రైన్ వెనక్కి వెళ్ళిపోతుంది. ఈ పవర్స్ ని టెస్ట్ చేయడం కోసం తేజ సజ్జా కూడా ఈ సీన్ ను స్పూఫ్ చేస్తారు. కానీ ఆ టైం లో పవర్స్ పని చేయక ట్రైన్ వెనక్కి వెళ్ళదు. ఆ ట్రైన్ వచ్చి హీరో నుంచున్న ట్రైన్ ను గుద్దేస్తుంది. దీనితో.. ఈ సీన్ ను స్పూఫ్ చేసే ఉద్దేశంతో బాలయ్య బాబుని అవమానించారు అంటూ బాలయ్య ఫాన్స్ గుర్రుగా ఉన్నారు.

వీటిని కూడా చదవండి: పుష్ప 2 రిలీజ్ అప్పుడే.. పోస్ట్ పోన్ చేయడం లేదా?