త్రివిక్రమ్ పై ఆగని ట్వీట్స్.. బండ్ల గణేష్ ఏమంటున్నారంటే ?

టాలీవుడ్ నటుడు, నిర్మాత బండ్ల గణేష్ గురించి ప్రత్యేకంగా చెప్పాల్సిన అవసరమే లేదు. ఈ మధ్య కాలంలో తరచూ ఏదో ఒక ట్వీట్ చేస్తూ వార్తల్లో నిలుస్తున్నాడు. ముఖ్యంగా మాటల మాంత్రికుడు త్రివిక్రమ్ పై తన దైన స్టైల్ లో సెటైర్లువేస్తున్నారు. తన అభిమాన హీరోకి తనను దూరం చేశాడనే కారణమో లేదా మరేమిటో కానీ త్రివిక్రమ్ పై బండ్ల గణేష్ సెలైరికల్ ట్వీట్ చేస్తున్నారు. డైరెక్ట్ కాదు.. ఇన్ డైరెక్ట్ గా ? ఎక్కడ కూడా త్రివిక్రమ్ పేరుని నేరుగా ప్రస్తావించకుండా గురూజీ అని సంబోధిస్తూ ట్విట్ల వర్షం కురిపిస్తున్నారు గణేష్. త్రివిక్రమ్ అందరూ ఇండస్ట్రీలో గురూజీ అని పిలుస్తుంటారు. ట్విట్టర్ లో ఎప్పుడూ యాక్టివ్ గా ఉండే బండ్ల గణేష్ తో ఓ నెటిజన్ తను ప్రొడ్యూసర్ కావాలనుకుంటున్నానని తన కోరికను వ్యక్తపరిచాడు. 

అందుకు ఆయన రియాక్ట్ అవుతూ.. ‘గురూజీని కలిసి కాస్ట్ లీ గిప్ట్ ఇవ్వు.. నువ్వు అనుకున్నది అయిపోతుంది’ అని ట్వీట్ చేశాడు. ఇక అక్కడి నుంచి వరుస ట్వీట్లు వేశాడు. ప్రస్తుతం ఈ ట్వీట్స్ తెగ వైరల్ అవుతున్నాయి. తాజాగా ‘భగవంతుడికి భక్తుడికి అనుసంధానమైనది అంబికా దర్బార్ బత్తి.. భగవంతుడికి భక్తుడిని దూరం చేసేది గురూజీ దర్భార్ సుత్తి’ అని మరోసారి గురూజీపై కోపాన్ని వ్యక్తం చేశారు. కొందరూ నెటిజన్లు బండ్ల గణేష్ కి మద్దతు ఇస్తుంటే.. మరికొందరూ మాత్రం విమర్శిస్తున్నారు. భక్తుడిని దూరం చేసే శక్తి ఎవ్వరికీ ఉండదు. ‘భక్తుడి నడవడిక మాత్రమే భగవంతుడిని దూరం చేస్తుంది’ అని ఒకరంటే.. ‘వీడు ఒక పెద్ద గుంట నక్క వీడిని నమ్మకండి. స్వార్థం కోసం పవన్ కళ్యాణ్ ని దేవుడు’ అంటూ ఉంటాడు’ అని మరొకరు పేర్కొన్నారు. 

త్రివిక్రమ్ ని పేరు చెప్పకుండా గురూజీ అని బండ్ల గణేష్ ఇది వరకు చాలా ట్వీట్స్ చేశారు. భీమ్లానాయక్ ముందు వరకు పవన్ తో సన్నిహితంగా ఉంటూనే వచ్చిన బండ్ల గణేష్ ని భీమ్లా నాయక్ ప్రీ రిలీజ్ సమయానికి అంతా త్రివిక్రమ్ కావాలనే పక్కకు పెట్టించారనే వార్తలు కూడా వినిపించాయి. ఇక అదే సమయంలో త్రివిక్రమ్ తిడుతున్న బండ్ల గణేష్ ఆడియో ఒకటి సోషల్ మీడియాలో వైరల్ అయింది.  ఆ తరువాత పవన్ కళ్యాణ్ ని సోషల్ మీడియాలో సపోర్టు చేస్తూ వచ్చాడు బండ్ల గణేష్. ప్రస్తుతం ఆ దూరం పెరిగినట్టు కనిపిస్తోంది. ఇప్పుడు ఎక్కడ కూడా బండ్ల గణేష్ పేరుని కూడా ప్రస్తావించడం లేదు పవన్ కళ్యాణ్. మరోవైపు బండ్ల గణేష్ రాజకీయాల్లోకి రీ ఎంట్రీ ఇస్తున్నట్టు తెలుస్తోంది.

మరికొన్ని ముఖ్య వార్తలు : 

 పవిత్ర లోకేష్ అప్పట్లో స్టార్ హీరోయిన్ కాకపోవడానికి కారణం అదేనా ? 

ఉన్నత చదువుల కోసం ఇంటిని అమ్మీ విదేశాలకు పంపిస్తే.. ఏం చేసిందో తెలుసా ?

 ఇద్దరు ప్రియుళ్లతో కలిసి యువతి ఏం చేసిందో తెలిస్తే ఆశ్చర్యపోవాల్సిందే..!