ఓ చోట తప్పించుకుంటే.. మరోచోట కాటేసిన మృత్యువు.. అసలేం జరిగింది అంటే..?

త్రిపురాంతకం మండలం మేడపి వద్ద గుంటూరు హై వే పై ఓ ప్రైవేట్ బస్సు ను లారీ ఢీ కొట్టిన ఘటన తెలుగు రాష్ట్రాల్లో విషాదాన్ని నింపింది. ఈ దుర్ఘటనలో ఒకరు అక్కడికక్కడే చనిపోయారు. మరో ఇరవై మంది తీవ్ర గాయాలపాలై ఆసుపత్రిలో చికిత్స తీసుకుంటున్నారు. ఈ దుర్ఘటనలో మరణించిన వ్యక్తి పేరు మానస. ఆమె మార్కాపురంలో తల్లితండ్రులతో కలిసి నివసిస్తున్నారు. మానస విజయవాడలో ఫిజియోథెరపీ కోర్సు చదువుతున్నారు. వినాయక చవితి సందర్భంగా పండుగ చేసుకోవడం కోసం మార్కాపురం వద్దకు వచ్చారు.

ఐవి కూడా చదవండి: ఆడవాళ్లు ఈ విషయాలను కచ్చితంగా తమ భర్తల వద్ద దాచిపెడతారట.. అవేంటంటే?

ఐవి కూడా చదవండి: బిల్ గేట్స్ మరియు జెఫ్ బెజోస్ లాంటి సక్సెస్ ఫుల్ పీపుల్ వీకెండ్స్ లో ఏమి చేస్తారో తెలుసా?

పండగ బాగా చేసుకుని.. తిరిగి కాలేజీకి వెళ్లడం కోసం మంగళవారం రాత్రి మార్కాపురంలో ఏపీఎస్ ఆర్టీసీ విజయవాడ బస్సు ఎక్కారు. అయితే.. ఆ బస్సు త్రిపురాంతకం వద్ద అదుపు తప్పింది. డివైడర్ ను ఢీకొని ఓ పక్కగా ఆగిపోయింది. అయితే.. ఎవరికీ ఎలాంటి గాయాలు తగలేకపోవడంతో అందరూ ఊపిరి పీల్చుకున్నారు. మానస అక్కడే అనంతపురం-గుంటూరు హై వే లో విజయవాడ మీదుగా వెళ్లే మరో ప్రైవేట్ బస్సుని ఎక్కారు. ఈ బస్సునే లారీ ఢీకొనడంతో తీవ్ర ప్రమాదం జరిగింది.

ఐవి కూడా చదవండి: డబ్బు కోసమే పెళ్లి చేసుకుందా..? భర్త జైలులో ఉండి ఇబ్బందులు పడుతుంటే.. రీల్స్ చేస్కుంటూ ఎంజాయ్ చేస్తోందిగా..

ఈ దుర్ఘటనలో మానస ప్రాణాలు కోల్పోయారు. ఈ ఘటనలో ఈమె ఒక్కరే ప్రాణాలు కోల్పోగా., మరో ఇరవై మంది ప్రయాణికులు గాయాల పాలై చికిత్స తీసుకుంటున్నారు. అసలు మొదటిసారి ప్రమాదం జరిగినప్పుడే మానస విజయవాడకు వెళ్లే బస్సు ఎక్కకుండా ఇంటికి వచ్చేసి ఉంటె బాగుండేదని ఆమె తల్లి తండ్రులు బాధపడుతున్నారు. ఈ దుర్ఘటనలో గాయపడిన వారిని వినుకొండలో ఆసుపత్రిలో జాయిన్ చేసారు. మానస మృతదేహాన్ని పోస్ట్ మార్టం కోసం యర్రగొండపాలెం ఆసుపత్రికి తరలించారు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.