కష్టాల్లో ఉన్న పాకీజాను ఆదుకున్న చిరంజీవి..ఆర్థిక సాయంతో పాటు..!

తెలుగు, తమిళ ఇండస్ట్రీల్లో ఒకప్పుడు మంచి లేడీ కమెడియన్ గా పేరు తెచ్చుకున్నారు పాకీజా.. ప్రస్తుతం ఆమె ఆర్థిక ఇబ్బందులతో కొట్టుమిట్టాడుతోంది. ఎలాంటి సినిమా అవకాశాలు లేక ఒక హాస్టల్లో గడుపుతోంది. అలాంటి పాకీజాకు మెగాస్టార్ చిరంజీవి ఆర్థిక సాయం అందించారట.. తెలుగు సినిమా ఇండస్ట్రీలో మెగాస్టార్ చిరంజీవి ఎవరికి ఏ కష్టం వచ్చినా ఆదుకునేందుకు ముందుంటారు. కష్టాల్లో ఉన్న వారికి చేయూతనందిస్తారు.

అలాంటి చిరంజీవి మరోసారి తన ఉదారత చాటుకున్నారు. ఆర్థికంగా అనేక ఇబ్బందుల్లో ఉన్న నటి పాకీజా అలియాస్ వాసుకికి ఆర్థిక సాయం అందించి తన మంచి మనసును చాటుకున్నారు. అయితే పాకీజా కలెక్షన్ కింగ్ మోహన్ బాబు నటించిన అసెంబ్లీ రౌడీలో నటించింది. ఇందులో పాకీజా అనే పాత్రలో చేయడంతో అప్పటినుంచి ఆమెను ఇండస్ట్రీలో పాకీజా అని పిలుస్తున్నారు. ఆ క్యారెక్టర్ లో ఆమె అందరినీ కడుపుబ్బ నవ్వించింది.

ముఖ్యంగా కామెడీ కింగ్ బ్రహ్మానందం కాంబినేషన్ లో వచ్చిన సీన్లు ఇప్పటికి కూడా ఎంతో నవ్వు తెప్పిస్తాయి. అలాంటి స్టార్ నటి ప్రస్తుతం హాస్టల్లో ఉంటూ జీవనం సాగిస్తోంది. తన దీన పరిస్థితిని ఒక యూట్యూబ్ ఛానల్ ద్వారా వివరించడంతో ఆమెను ఆదుకోవడానికి అనేకమంది సినిమాస్టార్లు ముందుకు వస్తున్నారు. ఈ తరుణంలోనే చిరంజీవి లక్ష రూపాయలు ఆర్థిక సాయం అందించారు.

also read:

•  శివా చిత్రంలో జేడీ పాత్రలో ముందు ఆ నటుడిని అనుకున్నారా..?