చిరు చిలిపిగా ఏడో తరగతి లోనే ప్రేమలో పడ్డాడు.. ఎవరితో అంటే..?

అమీర్ ఖాన్ హీరోగా వస్తున్నటువంటి తాజా మూవీ లాల్ సింగ్ చద్దా.. ఈ సినిమా హాలీవుడ్ లో దీన్ని ఫారెస్ట్ క్యాంపు అనే పేరుతో తీశారు. ఇదే సినిమాని తెలుగులో లాల్ సింగ్ చద్దా గా రీమేక్ చేశారు. ఇందులో హీరోయిన్ గా కరీనా కపూర్, తెలుగు హీరో నాగ చైతన్య కూడా కీలకమైన పాత్రలో నటిస్తున్నారు. దీనికి దర్శకుడిగా అద్వైత చందన్ ఉండగా, తెలుగులో మెగాస్టార్ ఈ సినిమా ని సమర్పిస్తున్నారు. ఇటీవల విడుదలైన సినిమా ట్రైలర్ అందరి మన్ననలు పొందుతోంది. అయితే మూవీ రిలీజ్ డేట్ దగ్గరికి రావడంతో సినిమా యూనిట్ ప్రమోషన్స్ మొదలుపెట్టింది. ఇందులో భాగంగానే చిరంజీవి, నాగచైతన్య, అమీర్ ఖాన్ లను నాగార్జున ఇంటర్వ్యూ చేశారు.

అయితే దీనికి సంబంధించిన ప్రోమో బయటకు వచ్చింది. ఇందులో చాలా ఆశ్చర్యకరమైన విషయాలు బయటకు వచ్చాయి. ఇందులో అమీర్ ఖాన్ ఒక పిల్లవాడి లాగా, కాలేజీ విద్యార్థి లాగా,ఆ తర్వాత ఆర్మీ అధికారి గా కనిపించబోతున్నారు. మరి ఇలా ట్రాన్స్ఫర్మేషన్ ఎలా జరిగింది అని నాగార్జున అడగగా అంత విఎఫ్ఎక్స్ మాయ అని అమీర్ ఖాన్ అన్నారు. అయితే ఈ మూవీలో చిన్నప్పుడే మీరు లవ్ లో పడతారు కదా, మరి మీ నిజ జీవితంలో చిన్నప్పుడు లవ్లో పడ్డారా అని నాగార్జున అడగగా..దానికి టక్కున చిరంజీవి సమాధానమిచ్చారు.. ఆయన ఏమన్నారంటే..

నేను ఏడో తరగతి లోనే లవ్ లో పడ్డాను. ఆ టైంలో అమ్మాయిలు సైకిల్ తొక్కడం అంటే చాలా వింతగా చూసే వారని, ఆ సమయంలో ఆ అమ్మాయి సైకిల్ పట్టుకుంటే నేను తొక్కే వాడిని అన్నారు. అప్పుడు సైకిల్ తొక్కడం పక్కన పెట్టి ఆమె ను చూసేవాడిని, దీంతో ఆమె నువ్వు నన్ను ఎందుకు చూస్తున్నావ్ ముందుకు చూసి సైకిల్ తొక్కమని ఆమె ముఖం తిప్పుకునేదని చిరంజీవి చెప్పారు. ఈ విధంగా ప్రోమో మొత్తం నవ్వులతో చాలా ఇంట్రెస్టింగ్ విషయాలతో బయటకు వచ్చింది.. ఈ వీడియో పూర్తిగా చూడాలంటే ఈ ఇంటర్వ్యూ టెలికాస్ట్ అయ్యే వరకు వెయిట్ చేయాల్సిందే. మొత్తానికి లాల్ సింగ్ చద్దా మూవీ ఆగస్టు 11వ తేదీన థియేటర్లలోకి రానుంది.

ALSO READ;

•  వైట్ల నుంచి బోయపాటి వరకు, దర్శకుల తప్పుల వల్ల ఫ్లాఫ్ అయిన సినిమాలు !