దీవాళీ స్పెషల్ .. జగనన్న ఆటం బాంబులు !

ఆంధ్రప్రదేశ్ ముఖ్యమంత్రి జగన్ మోహన్ రెడ్డి కి ఉన్న క్రేజ్ అంతా ఇంకా కాదు. జగన్ పేరు చెబితేనే వైసీపీ శ్రేణుల్లో, జగన్ అభిమానుల్లో ఉత్సాహం ఉరకలేస్తుంది. అలాంటిది జగన్ పేరు మీద ఆటంబాంబులు మార్కెట్లకు వచ్చాయంటే ఇక వాటికుండే క్రేజ్ అంతా ఇంతా కాదు. ఇక దీపావళి పండుగ సందర్భంగా ఆంధ్రప్రదేశ్ రాష్ట్రంలో జగన్ ఆటంబాంబులు మార్కెట్లో సందడి చేస్తున్నాయి.

వైసిపి ఏ ఎన్నికల్లో పోటీ చేసినా ప్రజలు ఘన విజయాన్ని కట్టబెడుతున్నారు. ఈ నేపథ్యంలో జగన్ క్రేజ్ ను పలు కంపెనీలు వాడుకుంటున్నాయి. ఇక నిన్న దీపావళి సందర్భంగా పలు రకాల బాణాసంచా మార్కెట్లో సందడి చేస్తోంది. భూ చక్రాలు, చిచ్చుబుడ్లు, కాకరపువ్వొత్తులు, మతాబులు, రాకెట్లు, వంకాయ బాంబులు వంటివి ఎప్పుడూ మనం చూస్తూనే ఉంటాం. అయితే ఏపీలో ఈసారి కొత్తగా జగన్ ఆటంబాంబులు కనివిందు చేస్తున్నాయి.

సీఎం జగన్ కు ఉన్న క్రేజ్ ను ఉపయోగించుకొని తమ వ్యాపారాన్ని పెంచుకోవాలని తయారీదారులు ఇలా ప్రయత్నించారు. అయితే జగన్ పేరుతో విక్రయిస్తున్న ఈ బాంబులు ఏ ప్రాంతంలో విక్రయిస్తున్నారో తెలియకుండా, ప్రస్తుతం దీనికి సంబంధించిన ఫోటోలు సోషల్ మీడియాలో విపరీతంగా వైరల్ అవుతున్నాయి. మరోవైపు జగన్ అభిమానుల అత్యుత్సాహంపై ప్రతిపక్ష పార్టీ మద్దతుదారులు నీళ్లు చల్లుతున్నారు. మొన్నటి సార్వత్రిక ఎన్నికల్లో సీఎం అయినప్పటి నుంచి ఆంధ్రప్రదేశ్ పై వేసిన అనుబాంబు, రాష్ట్ర ఆర్థిక వ్యవస్థను, అభివృద్ధిని నాశనం చేసిన జగన్ నిజంగానే అనుబాంబు అని అభిమానులు, వ్యతిరేకులు జగన్ ను ఎగతాళి చేస్తున్నారు.

READ ALSO : జయలలిత ఆస్తులపై కన్నేసిన నారా బ్రాహ్మణి?