పవన్ కళ్యాణ్ అలీ కూతురు పెళ్ళికి ఎందుకు రాలేదు ? అసలు నిజం చెప్పిన అలీ

టాలీవుడ్ సీనియర్ కమెడియన్ ఆలీ కూతురు ఫాతిమా వివాహం అట్టహాసంగా జరిగింది. హైదరాబాదులో జరిగిన ఈ పెళ్లి వేడుకలు పలువురు రాజకీయ, సినీ ప్రముఖులు పాల్గొన్నారు. నూతన జంటను ఆశీర్వదించారు. గుంటూరులో జరిగిన వివాహ వేడుకకు ఏపీ సీఎం జగన్మోహన్ రెడ్డి కూడా హాజరయ్యారు. సినిమా ఇండస్ట్రీ నుంచి చిరంజీవి, నాగార్జున, వెంకటేష్ వంటి ప్రముఖులు హాజరయ్యారు.

Also Read: కార్తీకమాసంలో ఇలా చేస్తే ఎన్నో జన్మల పాపాలు పోతాయి..!

జనసేన పార్టీ అధినేత, టాలీవుడ్ టాప్ సెలబ్రిటీ అయిన పవన్ కళ్యాణ్ ఆలీ కూతురు పెళ్లికి దూరం అయ్యాడు. ఆలీ, పవన్ ఒకప్పుడు చాలా సన్నిహితంగా ఉన్నందున, పవన్ పెళ్లికి నిస్సందేహంగా హాజరవుతారని అందరూ భావించారు. ఆయన పెళ్ళికి వెళ్లకపోవడంతో సోషల్ మీడియాలో రకరకాలుగా ప్రచారం మొదలైంది. ఆ పుకార్లకు స్వస్తి పలికిన ఆలీ, పవన్ కళ్యాణ్ పెళ్లి వేడుకకు రాకపోవడానికి గల కారణాలపై స్పందించాడు.

“హరిహర వీరమల్లు” చిత్రీకరణ జరుగుతున్న రామోజీ ఫిలిం సిటీకి వెళ్లి పవన్ కళ్యాణ్, దర్శకుడు క్రిష్, నిర్మాత ఏ ఎం రత్నం లకు పెళ్లి కార్డులు అందించాను. వారు నిస్సందేహంగా వివాహానికి హాజరవుతారని అతనికి సమాచారం అందింది అన్నారు. పవన్ సెక్యూరిటీ సిబ్బంది వచ్చి రూట్ మ్యాప్ కూడా చూసుకున్నారని ఆలీ తెలిపారు. కానీ చివరి నిమిషంలో విమానం క్యాన్సిల్ అవడంతో రాలేకపోయానని పవన్ ఫోన్ చేసి చెప్పినట్లు వివరించారు. పవన్ కళ్యాణ్ స్వయంగా ఇంటికి వచ్చి కొత్తజంటను కలుస్తానని చెప్పారని ఆలీ పేర్కొన్నారు. ఇది ఇలా ఉండగా, చాలామంది రాజకీయ పార్టీల నేతల ఇళ్లలో శుభకార్యాలు జరిగినప్పుడు, ఇతర పార్టీల నేతలు కూడా హాజరవుతారు. కేవలం ఆలీ వైసీపీలో ఉన్నారనే కారణంతో పవన్ రాకుండా ఉన్నారని కొంతమంది ప్రచారం చేసిన సంగతి తెలిసిందే.

Read also: ఆర్య సినిమాలోని గీత మరీ ఇంతలా మారిపోయిందా..?