ఈగ సినిమాలో ఇది గమనించారా? ఇంత చిన్న లాజిక్ ఎలా మిస్ అయ్యారు రాజమౌళి గారు?

రాజమౌళి దర్శకత్వంలో 2012లో వచ్చిన “ఈగ” సినిమా విడుదలై దశాబ్దం గడిచినా అభిమానుల్లో విపరీతమైన క్రేజ్‌ను సంపాదించుకుంది. సమంతా రూత్ ప్రభు, నాని మరియు కిచ్చా సుదీప్ నటించిన ఈ చిత్రం ప్రపంచవ్యాప్తంగా ప్రేక్షకులను ఆకట్టుకుంది. 2012లో విడుదలైన “ఈగ” అనేది నాని పాత్ర చుట్టూ తిరిగే ఒక సూపర్ నేచురల్ థ్రిల్లర్, ఇది కిచ్చా సుదీప్ విలన్ గా నటించిన సినిమా. సుదీప్ ఓ బిజినెస్ మ్యాన్ గా కనిపిస్తారు. సమంత రూత్ ప్రభు ని నాని, సుదీప్ ఇద్దరు ఇష్టపడతారు.

కానీ, సుదీప్ తనకున్న బలగంతో నానిని చంపేస్తాడు. దీనితో చనిపోయిన నాని ఆత్మా ఈగలో ప్రవేశించి సుదీప్ పై రివెంజ్ తీర్చుకుంటుంది. ఈ విధానం చాలా హృద్యంగా ప్రేక్షకులను ఆకట్టుకునే విధంగా తీశారు రాజమౌళి. నిజానికి రాజమౌళి సినిమా అంటే చాలా పక్కాగా ఉంటాయి. ఎక్కడా చిన్న పొరపాటు కూడా పడకుండా.. ఒక్క సన్నివేశం విషయంలో కూడా రాజీ పడకుండా రాజమౌళి సినిమాలను డైరెక్ట్ చేస్తుంటారు. అలాంటి రాజమౌళి సినిమాలో కూడా ఓ పొరపాటు జరిగింది.

ఈగ సినిమాలో నానికి, సమంత కి మధ్య ఓ సన్నివేశం ఉంటుంది. సమంత ఆఫీస్ అయిపోయాక ఇంటికి వెళ్ళిపోదాం అనుకునే సరికి స్కూటీలో పెట్రోల్ అయిపోతుంది. దీనితో స్కూటీని ఆఫీస్ లోనే వదిలేసి తాళాలు వేసుకుని నానికి రమ్మని కాల్ చేస్తుంది. ఆ తరువాత ఒక పాట వస్తుంది. అలా వాళ్లిద్దరూ కలిసి ఇంటికి వెళ్లారు. కానీ, తరువాత రోజు ఉదయాన్నే హీరోయిన్ ఇంటి ముందు స్కూటీ ఉంటుంది. అది కూడా పెట్రోల్ కూడా కొట్టించి రెడీ గా ఉంటుంది. ఇది ఎలా సాధ్యం అవుతుంది జక్కన్నా? అంటూ నెటిజన్స్ ప్రశ్నిస్తున్నారు. ఒకవేళ హీరో తెచ్చి పెట్టాడు అని అనుకోవాలన్నా.. సమంత బయట గేట్స్ కి తాళాలు కూడా వేసేసింది కదా అంటూ కామెంట్స్ చేస్తున్నారు.