భలే మోసం చేసారుగా పూర్ణా మావా.. మజిలీ సినిమాలో ఇది గమనించారా?

సమంత, నాగ చైతన్య హీరో హీరోయిన్స్ గా నటించిన సినిమా మజిలీ. ఈ సినిమాకు శివ నిర్వాణం దర్శకత్వం వహించారు. ఈ సినిమాకు సాహు గారపాటి, హరీష్ పెద్ది నిర్మాణ బాధ్యతలు తీసుకున్నారు. ఈ సినిమా సూపర్ సక్సెస్ సాధించిన సంగతి తెలిసిందే. ఈ సినిమాలో అన్ని సన్నివేశాలు ప్రేక్షకులను బాగా ఆకట్టుకుంటాయి. ఈ సినిమా రిలీజ్ అయ్యి చాలా కాలమే అవుతున్న ఇప్పటికీ యూట్యూబ్ లేదా ఓటిటి ప్లాట్ ఫామ్ లపై చూసే వాళ్ళు చాలా మందే ఉంటారు.

మనం మొదటి సారి చూసేటప్పుడు ఏ సినిమాను అంతగా గమనించి చూడము. కానీ, ఏదైనా ఒక సినిమాను రెండు మూడు సార్లు చూసినప్పుడు కొన్ని విషయాలు మనకి డౌట్స్ తెప్పిస్తూ ఉంటాయి. అలాగే.. మజిలీ సినిమాను కూడా రెండు మూడు సార్లు చూస్తే అలాంటి డౌట్ ఒకటి వస్తుంది. అదేంటంటే.. ఈ సినిమాలో ఫ్లాష్ బ్యాక్ పూర్తి అయినా తరువాత నాగ చైతన్య తన ఎక్స్ లవర్ అన్షు కూతురుని ఇంటికి తీసుకువస్తాడు.

ఆమె ఆ ఇంట్లో అడ్జస్ట్ కావడానికి టైం తీసుకుంటుంది. బాత్ రూమ్ లో స్నానం చెయ్యడానికి వెళుతూ, ఈ బాత్ రూమ్ లో షవర్ లేదా? అని అడుగుతుంది. దానికి సమాధానంగా సమంత ఉంది కానీ పని చెయ్యడం లేదు అని చెబుతుంది. అయితే.. ఆ తరువాత వచ్చే ఓ పాటలో సమంత షవర్ లో స్నానం చేస్తున్నట్లు చూపిస్తారు. ఇప్పుడు షవర్ ఎలా వచ్చింది? నన్ను మోసం చేసారు పూర్ణా మావా.. అంటూ అన్షు కూతురు మీరా అడిగినట్లు ఓ మీమ్ ని క్రియేట్ చేసారు. ఈ మీమ్ తెగ వైరల్ అవుతోంది. ఆ తరువాత రిపేర్ చేయించి ఉండవచ్చు గా అంటూ కొందరు నెటిజన్స్ కామెంట్స్ చేస్తున్నారు. కానీ.. ఇలాంటి చిన్న చిన్న పొరపాట్లు నవ్వుకోవడానికి సరదాగా ఉంటాయి.