Advertisement
నట సింహం నందమూరి బాలకృష్ణ హీరోగా బోయపాటి శ్రీనివాస్ దర్శకత్వంలో తెరకెక్కిన అఖండ చిత్రం ఎంతటి భారీ విజయాన్ని సొంతం చేసుకుందో ప్రత్యేకంగా చెప్పనక్కర్లేదు. సింహ, లెజెండ్ సినిమాలతో బ్లాక్ బస్టర్ కాంబో గా ఇండస్ట్రీలో మంచి పేరు తెచ్చుకున్న ఈ కాంబోలో వచ్చిన హైట్రిక్ చిత్రమిది. తెలుగు రాష్ట్రాలకే పరిమితం కాకుండా ఈ చిత్రం ఓవర్సీస్ లో కూడా భారీ వసూళ్లను రాబట్టింది. ఈ సినిమాలో బాలయ్య నటన అందరినీ ఆకట్టుకుంది. ప్రజ్ఞా జైస్వాల్ ఈ సినిమాలో బాలయ్యకు భార్యగా నటించి ఆమె పాత్రకు న్యాయం చేసింది. బాలకృష్ణ డైలాగ్స్, యాక్షన్స్ సన్నివేశాలతో ఈ సినిమా బాక్సాఫీస్ ను షేక్ చేసింది.
Advertisement
Read also: అలనాటి అందాల తార హీరోయిన్ “దివ్య భారతి” మరణానికి ఆ సినిమాకి ఉన్న సంబంధం ఏంటంటే ?
Advertisement
ఈ చిత్రానికి ఎస్ ఎస్ తమన్ స్వరాలు సంగీతాన్ని అందించారు. ఇక ఈ సినిమాతో నటుడు శ్రీకాంత్ విలన్ గా పరిచయం అయ్యారు. అంతేకాదు శ్రీకాంత్ నటన కూడా ఈ సినిమాకు ప్రత్యేక ఆకర్షణగా నిలిచింది. అయితే ఈ సినిమాలో నటి నవీన రెడ్డి ఓ కీలక పాత్రలో నటించింది. ఈమె స్క్రీన్ పై కనిపించింది కొద్దిసేపు అయినప్పటికీ కి రోల్ పోషించింది. నవీన రెడ్డి ఎఫ్2 సినిమాలో కూడా ఓ చిన్న పాత్రలో నటించింది. ఆ తరువాత భీష్మ, వెంకీ మామ, అద్భుతం వంటి చిత్రాలలో నటించింది. అంతేకాకుండా అర్థ శతాబ్దం సినిమాలో హీరోయిన్ గా నటించింది.
ఈ చిత్రాలకు అన్నింటికి రాని గుర్తింపు కేవలం అఖండ సినిమాతో వచ్చింది. పక్కా హైదరాబాద్ అయిన నవీన రెడ్డికి చిరంజీవి అంటే ఎనలేని అభిమానం. మెగాస్టార్ కరోనా బారిన పడ్డ సమయంలో నవీన రెడ్డి ఆయన కోలుకోవాలని ప్రత్యేక పూజలు కూడా చేసింది. ఈమె సోషల్ మీడియాలో కూడా చాలా యాక్టివ్ గా ఉంటుంది. తరచూ తన సినిమాలకి సంబంధించిన అప్డేట్లని ఇస్తూ ఉంటుంది. ఇక త్వరలోనే మరిన్ని సినిమాలలో ఇలా కనిపించాలని ఆమె ప్రయత్నాలు చేస్తోంది. మరి నవీన రెడ్డికి మంచి అవకాశాలు వస్తాయో లేదో వేచి చూడాలి.
