ఆగస్టులో బ్యాంకులకు సెలవులు ఎన్ని రోజులో తెలుసా ?

మరో రెండు రోజుల్లోనే ఆగస్టు నెలలోకి అడుగుపెట్టబోతున్నాం. ప్రతీ నెలలో బ్యాంకులు ఎప్పుడెప్పుడు పని చేయవో తెలిపే జాబితా రిజర్వ్ బ్యాంకు ఆఫ్ ఇండియా విడుదల చేస్తుంది. ఆగస్టు నెలకు సంబంధించిన సమాచారాన్ని తాజాగా విడుదల చేసింది. అయితే ఆగస్టు నెలలో 14 రోజులు పాటు బ్యాంకులు పని చేయవు. దేశంలోని బ్యాంకులు ఆదివారంతో పాటు రెండు, నాలుగో శనివారాలు సెలవులుంటాయి. వివిధ రాష్ట్రాల్లో స్థానిక పండుగల ఆధారంగా ఆయా రాష్ట్రాల్లో బ్యాంకులు మూసివేసి ఉంటాయి. సెలవు రోజుల్లో బ్యాంకులు మూసేసి ఉన్నప్పటికీ ఆన్ లైన్, నెట్ బ్యాంకింగ్, ఏటీఎం, యూపీఐ వంటి సేవలు వినియోగదారులకు అందుబాటులో ఉంటాయి. బ్యాంకుకు వెళ్లి నేరుగా పూర్తి చేసుకోవాల్సిన పనులుంటే మాత్రం తప్పకుండా సెలవులను గమనించాలి.