ఆ రోజుల్లో NTR కు వ్యతిరేకంగా కృష్ణ ఎన్ని సినిమాలు తీసారో మీకు తెలుసా..?!

టాలీవుడ్ సూపర్ స్టార్ ఘట్టమనేని కృష్ణ (79) తన సినీ ప్రస్తానానికి సెలవు పెట్టి తిరిగిరాని లోకాలకు వెళ్లిన విషయం తెలిసిందే. హైదరాబాద్ లోని కాంటినెంటల్ ఆసుపత్రిలో చికిత్స పొందుతూ ఆయన తుది శ్వాస విడిచారు. ఆయన హఠాన్మరణం రెండు తెలుగు రాష్ట్రాల అభిమానులను షాక్ కి గురిచేసింది. నానక్రాం గూడా లోని ఆయన ఇంటికి పార్తివదేహాన్ని తరలించారు. ఆ మరునాడు జూబ్లీహిల్స్ మహాప్రస్థానంలో సూపర్ స్టార్ కృష్ణ అంత్యక్రియలు ముగిశాయి. ఇది ఇలా ఉండగా, 1984లో ఇందిరాగాంధీ మరణాంతరం రాజీవ్ గాంధీ పిలుపుమేరకు రాజకీయాల్లోకి రావడానికి కృష్ణ గారు సిద్ధమయ్యారు. ఈ క్రమంలో ఆయన ఎన్టీ రామారావు కు వ్యతిరేకంగా కొన్ని వ్యంగ్య చిత్రాలను నిర్మించారు.

1986 లో పద్మాలయ బ్యానర్ లో ప్రతిష్టాత్మకంగా రూపొందించిన సింహాసనం సినిమాలో హీరో కృష్ణ, రాజగురు పాత్ర ధరించిన సత్యనారాయణచే ఎన్టీఆర్ తరచూ చెప్పే, ఇంకేం మిగిలింది బూడిద అనే డైలాగ్ చెప్పించారు. ఆ తర్వాత ఇదే సంవత్సరంలో పద్మాలయ బ్యానర్ లో పి.చంద్రశేఖర్ రెడ్డి దర్శకత్వంలో నా పిలుపే ప్రభంజనం సినిమాను పూర్తిగా ఎన్టీ రామారావుకి వ్యతిరేకంగా రూపొందించారు. ఒకప్పుడు ఎన్టీ రామారావుకి డూపు గా వ్యవహరించిన నటుడు కైకాల సత్యనారాయణచే ఎన్టీ రామారావును పోలిన కోదండ రామయ్య అనే పాత్రను చేయించారు. ఆ తర్వాత నా పిలుపే ప్రభంజనం సినిమా మంచి విజయాన్ని సాధించడంతో ప్రముఖ దర్శక, నిర్మాత, నటుడు ప్రభాకర్ రెడ్డి దర్శకత్వంలో కోట శ్రీనివాసరావు ప్రధాన పాత్రలో మండలాధీశుడు అనే చిత్రాన్ని రూపొందించారు. ఈ సినిమా పూర్తిగా ఎన్టి రామారావు పై వ్యంగాస్త్రం గా వచ్చింది.

అంత సులువుగా సినిమాలో నటించడానికి ఒప్పుకుని భానుమతి గారు ఈ సినిమాలో ఓ వేషం ధరించడం విశేషం. జమున కూడా మరొక ప్రధాన పాత్ర వేశారు. విజయనిర్మల దర్శకత్వంలో కృష్ణ, నరేష్, వాణి విశ్వనాథ్ హీరో హీరోయిన్లుగా మళ్లీ ఎన్టీ రామారావు పై ఓ సెటైరికల్ మూవీగా ‘సాహసమే నా ఊపిరి’ సినిమా వచ్చింది. ఆ తర్వాత 1989 లో ప్రభాకర్ రెడ్డి దర్శకత్వంలో విజయనిర్మల, నరేష్ ప్రధాన పాత్రలో గండిపేట రహస్యం సినిమా విడుదలైంది. ఇది కూడా ఎన్టీ రామారావును ఆధారం చేసుకొని తీసిన ఓ వ్యంగ్య చిత్రంగా చెప్పుకోవచ్చు. ఆ తర్వాత కృష్ణ బావ మరిది సూర్యనారాయణ బాబు నిర్మాణ సారథ్యంలో ప్రదీప్ శక్తి దర్శకత్వంలో బాలచందర్ ప్రధాన పాత్రలో ‘కలియుగ విశ్వామిత్ర’ సినిమాని ఎన్టీ రామారావు పై మరో వ్యంగ్యాస్త్రంగా విడుదల చేశారు.

Read also: ఇప్పటి వరకు ఎవ్వరూ చూడని సూపర్ స్టార్ కృష్ణ రేర్ అండ్ అన్ సీన్ ఫోటోస్..!