మురారి సినిమాతో రాజీవ్ గాంధీ మరణానికి ఉన్న సంబంధం ఏంటో తెలుసా..?

రామ్ ప్రసాద్ ఆర్ట్స్ పతాకంపై నందిగం గోపి, రామలింగేశ్వర రావు, ఎన్.దేవిప్రసాద్ సంయుక్తంగా నిర్మించిన చిత్రం ”మురారి”. కృష్ణవంశీ దర్శకత్వంలో తెరకెక్కిన ఈ సినిమాలో మహేష్ బాబు, సోనాలి బింద్రే హీరో హీరోయిన్లుగా నటించారు. ఈ సినిమా ద్వారా సోనాలి బింద్రే తెలుగు తెరకు పరిచయమయ్యింది. ఈ సినిమా కథ చిత్రానువాదంతో పాటు కూర్పు విభాగంలో కృష్ణవంశీ పని చేశారు. శోభన్ సంభాషణలను రచించారు. ఈ సినిమాకి మణిశర్మ సంగీత దర్శకత్వం వహించారు. భూపతి చాయాగ్రాహకుడిగా పనిచేశారు.

అయితే రాజీవ్ గాంధీ మృతికి, మురారి సినిమాకు ఓ సంబంధం ముందట. ఆ సంబంధం ఏంటో ఇప్పుడు చూద్దాం. ఓసారి దర్శకుడు కృష్ణవంశీ తన ఫ్రెండ్స్ తో కలిసి లాంచి జర్నీ చేస్తున్నాడు. ఈ సందర్భంగా వారి మధ్య రాజీవ్ గాంధీ మృతి అంశం చర్చకు వచ్చింది. వారి కుటుంబంలో ఇప్పటికే చాలామంది చనిపోయినట్లు చెప్పుకున్నారు. వారి కుటుంబానికి శాపం ఉండడం మూలంగానే వరుస హా**లు జరుగుతున్నాయని అనుకున్నారు. అప్పుడే దర్శకుడు మైండ్ లో ఓ కథ వెలుగు వెలిగింది. శాపంతో కూడిన కుటుంబం పై సినిమా తీయాలి అనుకున్నాడు. అదే మురారి అయింది.

మొత్తంగా ఈ సినిమా స్టోరీని రాసారు కృష్ణవంశీ. మహేష్ బాబు హీరోగా ఈ సినిమా చేస్తే బాగుంటుంది అనుకున్నాడు. వెంటనే ఈ స్టోరీని ఆయన తండ్రి కృష్ణకు చెప్పాలనుకున్నాడు. ఓ రోజు పద్మాలయ ఆఫీసులో కృష్ణ, మహేష్ బాబుకు కృష్ణవంశీ ఆ కథను వివరించాడు. స్టోరీ వారికి బాగా నచ్చింది. భాగవతం, భారతంలోని క్యారెక్టర్ లను ఈ సినిమా క్యారెక్టర్లుగా రూపొందించాడు కృష్ణవంశీ. అనంతరం ఫైనల్ స్క్రిప్ట్ ను కృష్ణకు చూపించాడు కృష్ణవంశీ. ప్రొసీడ్ అని చెప్పాడు కృష్ణ. తక్కువ సమయంలోనే ఈ సినిమా పూర్తయింది. 2001 ఫిబ్రవరి 17న విడుదలైంది.

Read also: ప్రభాస్ ఎందుకు హెయిర్ క్యాప్ పెడుతున్నాడు..?