జూనియర్ ఎన్టీఆర్ డ్రీమ్ రోల్ ఏంటో మీకు తెలుసా ?

సాధారణంగా సినీ ఇండస్ట్రీలో ప్రతీ హీరో కి, హీరోయిన్ కి ఓ డ్రీమ్ రోల్ అనేది  తప్పకుండా ఉండే  ఉంటుంది. ఇక ఆ పాత్రలో నటిస్తే.. బాగుంటుంది అలాంటి అవకాశాలు వస్తే బాగుంటుందని వారు ఎంతగానో ఆరాపడుతుంటారు. అలాంటి అవకాశాలు వస్తే.. వారు అసలు వదులుకోరనే చెప్పాలి. ఇకపోతే ఇండస్ట్రీలో స్టార్ హీరోగా తనదైన శైలిలో దూసుకుపోతున్న ఎన్టీఆర్ కి కూడా ఈ విధమైన ఓ డ్రీమ్ రోల్ ఉందని తెలుస్తోంది. స్వర్గీయ నందమూరి తారకరామారావు నటవారసుడిగా ఇండస్ట్రీలోకి బాల నటుడిగా ఎంట్రీ ఇచ్చిన ఎన్టీఆర్ తాతకు తగ్గ మనవడు గా తాను ఏంటో నిరూపించుకున్నారు.

ఎలాంటి పాత్రలోనైనా తన అద్భుతమైన నటనతో పూర్తి న్యాయం చేస్తారు ఎన్టీఆర్. ఇలా స్టార్ హీరోగా కొనసాగుతున్న ఎన్టీఆర్ రీసెంట్ గా రాజమౌళి దర్శకత్వంలో వచ్చిన ఆర్ఆర్ఆర్  మూవీతో ఏకంగా గ్లోబల్ స్టార్ గా గుర్తింపు పొందారు. ప్రస్తుతం ఎన్టీఆర్ కొరటాల శివ దర్శకత్వంలో తెరకెక్కుతున్న దేవర బిగ్గెస్ట్ పాన్ ఇండియా మూవీ షూటింగ్ లో ఎంతో బిజీగా ఉన్నారు. ఈ చిత్రం వచ్చే ఏడాది ఏప్రిల్ 05న ప్రేక్షకుల ముందుకు రాబోతుంది. ఇక ఇదిలా ఉంటే.. ఎన్టీఆర్ డ్రీమ్ రోల్ గురించి ప్రస్తుతం సోషల్ మీడియాలో ఓ వార్త తెగ వైరల్ అవుతోంది. ఎన్టీఆర్ ఎప్పటి నుంచో ఈ పాత్రలో నటించడం కోసం ఆసక్తిగా ఎదురుచూస్తున్నట్టు సమాచారం. 

 

ఇప్పటివరకు అలాంటి పాత్రలో నటించే అవకాశం మాత్రం రాలేదని తెలుస్తోంది. ఎన్టీఆర్ డ్రీమ్ రోల్ ఏంటనే విషయానికి వస్తే..  తన తాత గారిని కృష్ణుడి పాత్రలో చూసిన ఎన్టీఆర్ చాలా  సంతోషపడేవారట.   తానుకూడా ఇలాంటి పాత్రలో నటించాలని కోరుకునేవాడట. కృష్ణుడి వేషంలో కనిపించే పాత్రలు ఇప్పటివరకు అస్సలు రాలేదు. త్వరలో తెరకెక్కబోయే రాజమౌళి డ్రీమ్ ప్రాజెక్ట్ అయినటువంటి మహాభారతంలో ఎన్టీఆర్ కృష్ణుడిపాత్ర దక్కించుకుంటారో లేదో వేచి చూడాలి మరీ.