"ఏజెంట్" సినిమా లాంటి భారీ డిజాస్టర్ ని తప్పించుకున్న హీరో ఎవరంటే ??

అక్కినేని అఖిల్.. ఒక మంచి హిట్ కోసం కొన్ని సంవత్సరాలుగా ఎదురు చూస్తున్నాడు. తాజాగా “ఏజెంట్” అనే చిత్రం ద్వారా ప్రేక్షకుల ముందుకి వచ్చాడు అఖిల్. సురేందర్ రెడ్డి దర్శకత్వం వహించిన ఈ సినిమాని ఏకే ఎంటర్టైన్మెంట్స్ బ్యానర్ లో అనిల్ సుంకర నిర్మించారు. ఈ చిత్రంలో హీరోయిన్ గా ముంబై బ్యూటీ సాక్షి వైద్య నటించింది. హిట్ హాప్ తమీజా ఈ చిత్రానికి సంగీతాన్ని అందించారు. కానీ ఈ చిత్రం విడుదలైన రోజే ఎటువంటి టాక్ సొంతం చేసుకుందో చూసాం. ఏప్రిల్ 28న భారీ అంచనాలతో విడుదలైన ఈ సినిమా డిజాస్టర్ టాక్ ని సొంతం చేసుకుంది.

తొలి షో నుండే నెగిటివ్ టాక్ రావడంతో.. ఆ న్యూస్ కాస్త ఒక్కసారిగా స్ప్రెడ్ అయిపోయి సరైన ఓపెనింగ్స్ కూడా రాకుండా చేసింది. ఇప్పుడు అఖిల్ కెరీర్ లోనే ఈ సినిమా అతిపెద్ద డిజాస్టర్ గా మిగిలిపోయింది. అయితే ఈ సినిమాకి సంబంధించి ప్రస్తుతం ఓ వార్త తెగ వైరల్ గా మారింది. ఈ మూవీకి ఫస్ట్ ఛాయిస్ అఖిల్ కాదట. అక్కినేని అఖిల్ కంటే ముందే ఈ సినిమా కథ ఓ టాలీవుడ్ స్టార్ హీరో దగ్గరికి వెళ్లిందట. కానీ ఈ సినిమాని ఆ స్టార్ హీరో రిజెక్ట్ చేశారట. ఇంతకీ ఆ హీరో ఎవరని అనుకుంటున్నారా..? ఆయన మరెవరో కాదు మన పాన్ ఇండియా స్టార్, మెగా పవర్ స్టార్ రామ్ చరణ్.

ఈ మూవీ కథని సురేందర్ రెడ్డి రామ్ చరణ్ దగ్గరికి తీసుకువెళ్లగా.. ఇతర కమిట్మెంట్స్ కారణంగా ఆయన ఈ చిత్రాన్ని సున్నితంగా తిరస్కరించారట. ఈ విషయాన్ని అప్పట్లో రామ్ చరణ్ ఓ ఇంటర్వ్యూలో తెలిపారు. ఇప్పుడు ఈ చిత్రం భారీ డిజాస్టర్ కావడంతో రామ్ చరణ్ అభిమానులు చరణ్ అదృష్టం బాగుందని.. లేదంటే ఈ సినిమాలో చేస్తే ఆయన పరిస్థితి కూడా ఇలాగే ఉండేదని అంటున్నారు. పైగా ఇప్పుడిప్పుడే గ్లోబల్ లెవెల్ లో దూసుకెళ్తున్న రామ్ చరణ్ ఈ సినిమాకి నో చెప్పి మంచి పని చేశాడని అంటున్నారు. ఇక ఈ సినిమా బాక్సాఫీస్ దగ్గర ఘోరంగా విఫలం అవడంపై ఈ చిత్ర నిర్మాత అనిల్ సుంకర సోషల్ మీడియా వేదికగా అభిమానులకు క్షమాపణలు చెప్పారు.

Related posts:

About anji