ఈ సినిమాను చిన్నపిల్లలతో కలిసి చూడకూడదట.. ఎందుకు ఇలా అన్నారంటే?

సాధారణంగా ఏ సినిమా ప్రమోషన్స్ లో అయినా.. మా సినిమా కుటుంబ కథా చిత్రం అనో, ఫామిలీ ఆడియన్స్ హ్యాపీగా చూసేయచ్చు అనో చెపుతూ ఉంటారు. కానీ ఈ సినిమాకు మాత్రం చిన్నపిల్లలతో కలిసి చూడవద్దు అని చెబుతున్నారు. అంతే కాదు.. సున్నిత మనస్కులు, వయొలెన్స్ ని తట్టుకోలేని వారు ఈ సినిమాను చూడొద్దు అంటూ ముందుగానే ఈ చిత్ర కథానాయకుడు జయం రవి హెచ్చరిస్తున్నారు.

జయం రవి తమిళ కథానాయకుడు. ఆయన తమిళంలో నటించిన ఈ సినిమా పేరు ‘ఇరైవన్‌’. ఈ సినిమాను తెలుగులో కూడా అనువదిస్తున్నారు. తెలుగులో “గాడ్” పేరుతొ ఈ సినిమా రూపొందింది. అయితే.. ఈ సినిమాలో నయనతార హీరోయిన్ గా నటించింది. హీరో జయం రవికి తెలుగు నాట అంత ఫ్యాన్ బేస్ లేదు. అందుకే నిర్మాతలు ఈ సినిమాను నయనతార సినిమాగా ప్రమోట్ చేసేస్తున్నారు. అయితే.. ఇందులో హారర్ సన్నివేశాలు ఎక్కువగా ఉండడంతో ఈ సినిమాను చిన్నపిల్లలకు చూపవద్దని, చిన్న పిల్లలతో కలిసి చూడొద్దని జయం రవి చెబుతున్నారు.

హారర్ సస్పెన్స్ గా రూపొందిన ఈ సినిమాలో విజువల్స్ చాలా భయంకరంగా ఉన్నాయట. అందుకే చిన్న పిల్లల విషయంలో జాగ్రత్తగా ఉండాలి అని ముందే హెచ్చరిస్తున్నారు. సెప్టెంబర్ ఇరవై ఎనిమిదవ తేదీన ఈ సినిమా విడుదల అవుతోంది. అయితే.. ఇదే రోజున టాలీవుడ్ నుంచి పెద్ద సినిమాలు కూడా రిలీజ్ అవుతున్నాయి. వాటి ధాటికి ఈ సినిమా తట్టుకుంటుందో లేదో వేచి చూడాలి.

మరిన్ని..

Bhagath Singh: భగత్ సింగ్ చెప్పిన ఈ ఆఖరు మాటలు వింటే ఒళ్ళు గగుర్పొడుస్తుంది..!

చంద్రబాబు అరెస్ట్ పై “సీ ఓటర్ సర్వే” లో సంచలన విషయాలు వెలుగులోకి..!

గుడివాడలో టీడీపీ గెలుస్తుందా..? సర్వేలు ఏం చెబుతున్నాయంటే..?

Related posts:

About srilakshmi Bharathi