"సంక్రాంతి" నుంచి "దసరా" వరకు పండుగల పేర్లతో వచ్చిన టాలీవుడ్ సినిమాలు ఇవేనా?

నాచురల్ స్టార్ నాని, కీర్తి సురేష్ లు ఇద్దరు హీరో హీరో, హీరోయిన్లుగా వస్తున్న సినిమాకి దసరా అనే పండుగని టైటిల్ గా పెట్టారు. తెలంగాణలో పెద్ద పండుగ అయిన దసరాని ఈ సినిమాకి టైటిల్ గా పెట్టారు. అయితే ఇలా పండుగ పేరున సినిమా టైటిల్ గా పెట్టిన మూవీస్ ఏంటో ఇప్పుడు తెలుసుకుందాం

# భోగి మంటలు

1981 లో రిలీజ్ అయిన కృష్ణ గారి సినిమాకి భోగి మంటలు అనే పేరు పెట్టారు. సంక్రాంతి పండుగలో ఒకటి అయిన భోగికి ఈ సినిమా పేరు పెట్టారు.

# విజయదశమి

తమిళ సినిమా శివకాశికి రీమేక్ గా వచ్చిన కళ్యాణ్ రామ్ మూవీకి తెలుగులో విజయదశమి అనే టైటిల్ పెట్టారు. సముద్ర డైరెక్ట్ చేసిన ఈ సినిమా టైటిల్ లో విజయదశమి ఉన్న సినిమా మాత్రం విజయం సాధించలేదు.

# రాఖీ

కృష్ణవంశీ దర్శకత్వంలో… జూనియర్ ఎన్టీఆర్, ఇలియానా, చార్మిలు నటించిన సినిమాకి రాఖీ పండుగ టైటిల్ పెట్టారు. అన్నాచెల్లెళ్ల కథ కావడం, సినిమాలో హీరో పేరు కూడా రామకృష్ణ కావడంతో షార్ట్ కట్ లో రాఖీ కలిసి రావడంతో ఈ టైటిల్ పెట్టారు.

# సంక్రాంతి

ఫ్యామిలీ సినిమా హీరోలు అయిన వెంకటేష్, శ్రీకాంత్ ఇద్దరు కలిసి నటించిన సినిమాకి తెలుగు పండుగ సంక్రాంతి పేరు పెట్టారు. పండగ పేరు లాగే సినిమా కూడా కుటుంబం, విలువలతో కూడిన సినిమాగా హిట్ అయింది.

# ఉగాది

ఎస్వీ కృష్ణారెడ్డి దర్శకత్వం వహించి హీరోగా యాక్ట్ చేసిన ఫ్యామిలీ డ్రామా సినిమాకి ఉగాది అనే టైటిల్ పెట్టారు. లైలా హీరోయిన్ గా యాక్ట్ చేసిన ఈ సినిమా పాటలు సినిమా అప్పట్లో పెద్ద హిట్ అయింది.

# హోలీ

ఉదయ్ కిరణ్ & నువ్వే కావాలి ఫేమ్ హీరోయిన్ రిచా ఇద్దరు కలిసి చేసిన రొమాంటిక్ ఎంటర్టైనర్ సినిమాకి హోలీ అనే పండుగ పేరు పెట్టారు. ఇది బాక్స్ ఆఫీస్ దగ్గర ఫ్లాప్ అయ్యింది.

# కృష్ణాష్టమి

జోష్ సినిమా దర్శకుడు వాసు వర్మ దర్శకత్వం వహించిన సినిమాకి కృష్ణాష్టమి అనే టైటిల్ పెట్టారు. ఈ సినిమాలో సునీల్ హీరోగా చేశారు. దిల్ రాజు ప్రొడ్యూస్ చేసిన ఈ సినిమా యావరేజ్ హిట్ అయింది.