Hanu Man First Review: హనుమాన్ మూవీ ఫస్ట్ రివ్యూ! అదే ఈ సినిమాకి మైనస్ కాబోతోందా?

Hanu Man First Review: ప్రశాంత్ వర్మ దర్శకత్వం వహించిన తెలుగు సూపర్ హీరో సినిమా “హనుమాన్” త్వరలోనే ప్రేక్షకుల ముందుకు రాబోతున్న సంగతి తెలిసిందే. ఈ చిత్రంలో తేజ సజ్జ, అమృత అయ్యర్, మరియు వరలక్ష్మి శరత్ కుమార్ ప్రధాన పాత్రలు పోషించారు, వినయ్ రాయ్, రాజ్ దీపక్ శెట్టి, వెన్నెల కిషోర్, గెటప్ శ్రీను, సత్య మరియు పలువురు ఇతర ముఖ్య పాత్రలలో కనిపించారు. ఇప్పటికే ఈ సినిమా నుంచి రిలీజ్ అయిన టీజర్, ట్రైలర్లు అద్భుతంగా ఉండడంతో ఈ సినిమాపై ఫ్యాన్స్ చాలానే ఎక్స్పెక్టేషన్స్ పెట్టుకున్నారు. తాజాగా ఈ సినిమా ఫస్ట్ కాపీ రిలీజ్ అయ్యింది.

ఈ ఫస్ట్ కాపీ చూసిన తరువాత వచ్చిన టాక్ ఎలా ఉందొ ఇప్పుడు చూద్దాం. ఈ సినిమా ఫస్ట్ హాఫ్ చాలా అద్భుతంగా ఉందట. కానీ సెకండ్ హాఫ్ మాత్రం కొంచం డల్ గా సాగుతుందని చెబుతున్నారు. సెకండ్ హాఫ్ ప్రేక్షకుల్ని అలరిస్తుందా లేదా అనేది సినిమా రిలీజ్ అయితే తెలుస్తుంది. సంక్రాంతి బరిలోకి దిగిన ఈ సినిమా మహేష్ బాబు, నాగార్జున, వెంకటేష్ లాంటి స్టార్లతో పోటీ పడుతోంది. ఇలాంటి టైం లో సెకండ్ హాఫ్ స్లో గా ఉంది అన్న టాక్ రావడం కూడా ఈ సినిమాకు మైనస్ అయ్యే ఛాన్స్ ఉందని తెలుస్తోంది.

ఏ కొంచం నెగటివ్ టాక్ వచ్చినా.. బరిలో మిగతా స్టార్ హీరోల సినిమాలు లైన్ లో ఉండడంతో ఆ నెగటివ్ టాక్ ప్రభావం హనుమాన్ సినిమాపై గట్టిగానే పడుతుంది. ఇక పండగ టైం లో ఎక్కువ మంది ఫామిలీ ఆడియన్స్ గుంటూరు కారం చూసే అవకాశం ఉంది. ఈ టైం లో హనుమాన్ కు ఏ మాత్రం డివైడ్ టాక్ వచ్చినా.. గుంటూరు కారం సినిమాకు ఆడియన్స్ పెరిగే ఛాన్స్ ఉంది. మరి ఏమి జరుగుతుందో తెలియాలంటే సంక్రాంతి వచ్చే వరకు ఎదురు చూడాల్సిందే.