T20 World Cup 2022 : సెమీస్ లో దారుణంగా ఓడిన టీమిండియాకు భారీ ఫ్రైజ్ మనీ

T20 World Cup 2022 : ఆస్ట్రేలియా వేదికగా జరుగుతున్న టి20 వరల్డ్ కప్-2022లో టీమిండియా సెమీస్ లోనే ఇంటిదారి పట్టిన నేపథ్యంలో చాలా వరకు భారత అభిమానులు ఆటగాళ్లను నిందిస్తున్నారు. సోషల్ మీడియాలో రకరకాల కామెంట్లు పెడుతూ వారి మనోభావాలను దెబ్బతీస్తున్నారు. గెలిచినప్పుడు ఒకలా, ఓడినప్పుడు మరోలా, ప్రవర్తిస్తూ మన పరువును మనమే బజారుకీడ్చుకునేలా చేస్తున్నారు.

ఇది ఇలా ఉండగా గ్రూప్ దశలో జోరు చూపించి సెమీస్ లో ఓడిన భారత జట్టుకు ప్రైజ్ మనీ కింద ఎంత సొమ్ము అందుతుందో తెలుసా? అక్షరాల 4 లక్షల డాలర్లు. మన లెక్కల్లో రూ. 3.22 కోట్ల పైనే అన్నమాట. సెమీ ఫైనల్ లోనే ఓడిన కివిస్ కు కూడా ఇంతే మొత్తం దొరుకుతుంది. దీనికి తోడు గ్రూప్ దశలో ఈ జట్లు సాధించిన ఒక్కో విజయానికి ఆదనంగా 40 వేల డాలర్లు (రూ.32 లక్షల) పైగా అందుతాయి. గ్రూప్ దశలో భారత జట్టు నాలుగు విజయాలు సాధించింది.

అంటే సెమీస్ ప్రైస్ మనీ తో పాటు ఆదరణంగా రూ. 1.2 కోట్ల పైగా నగదు బహుమతి లభిస్తుంది. ఇక మిగతా జట్లకు దక్కే ప్రైజ్ మనీ లెక్కలు చూసుకుంటే, ఈ టోర్నీ విజేతగా నిలిచిన జట్టుకు 1.6 మిలియన్ డాలర్లు అందుతాయి. అవే మన లెక్కల్లో చూసుకుంటే సుమారు రూ.13 కోట్లు. రన్నరప్ గా నిలిచిన జట్టుకు అందులో సగం దక్కుతుంది. ఈ మొత్తం కాకుండా ఈ జట్లకు కూడా గ్రూప్ దశలో సాధించిన ఒక్కో విజయానికి రూ. 32 లక్షల పైగా నగదు బహుమతి దక్కుతుంది. సూపర్-12 దశకు చేరుకున్న ప్రతి జట్టుకు 70 వేల డాలర్లు నగదు బహుమతి దక్కుతుంది.

READ ALSO : ‘రన్ రాజా రన్’ నుంచి ‘ఖైదీ’ వరకు తక్కువ బడ్జెట్ తో నిర్మాతలను కోటీశ్వరులు చేసిన సినిమాలు ఇవే!