Jai Chiranjeeva Child Artist: జై చిరంజీవ లో నటించిన ఈ చైల్డ్ ఆర్టిస్ట్ గుర్తు పట్టారా ? ఇప్పుడెలా మారిపోయిందంటే ?

ఏమీ తెలియని చిన్న వయసులోనే చైల్డ్ ఆర్టిస్ట్ గా ఇండస్ట్రీలోకి అడుగుపెట్టి, ఎన్నో సినిమాలు చేసి మంచి గుర్తింపు పొందిన చైల్డ్ ఆర్టిస్టులు ఎంతోమంది ఉన్నారు. కొన్ని సినిమాల్లో అయితే కీలక పాత్రధారులుగా చైల్డ్ ఆర్టిస్టులే ఎక్కువగా ఉంటారు. కొంతమంది చైల్డ్ ఆర్టిస్టులు తెలుగు వాళ్ళు కాకపోయినప్పటికీ మన ప్రేక్షకుల మనసులు గెలుచుకుంటారు. అలా తెలుగు వాళ్ళ మనసుని గెలుచుకున్న చైల్డ్ ఆర్టిస్టులలో శ్రియా శర్మ ఒకరు. అప్పట్లో చాలా ఫేమస్ అయిన ఈ చిన్నారి చిరంజీవి, మహేష్ బాబు, రామ్ చరణ్ లాంటి స్టార్స్ తో స్క్రీన్ షేర్ చేసుకుంది. ఇప్పుడు పెరిగి పెద్దయి హీరోయిన్లకు ఏమాత్రం తీసిపోదు అనేలా తయారైంది. ఈమెకు సోషల్ మీడియాలోనూ నాలుగు లక్షలకు పైగా ఫాలోవర్స్ ఉండడం విశేషం.

Read also: MM కీరవాణి – SS రాజమౌళి ల ఆర్థిక పరిస్థితి ఒకప్పుడు ఇలా ఉండేదా ?

అయితే శ్రియాశర్మ అంటే ఎవరో మీరు గుర్తు పట్టకపోవచ్చు. మెగాస్టార్ చిరంజీవి హీరోగా కే విజయ్ భాస్కర్ దర్శకత్వంలో తెరకెక్కిన “జై చిరంజీవ” చిత్రం అందరికీ గుర్తుండే ఉంటుంది. ఈ చిత్రంలో చిరంజీవి మేనకోడలు లావణ్య పాత్రలో కనిపించింది ఈ క్యూట్ పాప శ్రీయ శర్మ. ఆ తర్వాత ఈమె మహేష్ బాబు హీరోగా వచ్చిన దూకుడు, అలాగే రామ్ చరణ్ హీరోగా వచ్చిన రచ్చ, నాని హీరోగా వచ్చిన ఎటో వెళ్లిపోయింది మనసు వంటీ సినిమాలలో కూడా నటించింది. ఆ తర్వాత తమిళ్, కన్నడలో చైల్డ్ ఆర్టిస్ట్ గా బిజీ అయింది శ్రియా. ఇక 2014వ సంవత్సరంలో గాయకుడు చిత్రంతో హీరోయిన్ గా కూడా మారింది. ఆ చిత్రంలో బిగ్ బాస్ 3 కంటెస్టెంట్ అయిన అలీ రెజా హీరోగా నటించాడు. ఆ సినిమా సమయానికి శ్రియ శర్మ వయసు 16 సంవత్సరాలు.

 

ఇక శ్రీకాంత్ కొడుకు రోషన్ హీరోగా వచ్చిన “నిర్మలా కాన్వెంట్” సినిమాలో కూడా హీరోయిన్ గా నటించింది. శ్రియ శర్మది ఉత్తర ప్రదేశ్. ఈమె తండ్రి ఇంజనీర్, తల్లి డైటీషియన్. పుట్టిన నాలుగేళ్లకే యాక్టర్ గా మారిన శ్రీయ.. తన కెరీర్ లో ఓసారి నేషనల్ అవార్డు కూడా అందుకోవడం విశేషం. యాక్టర్ కం మోడల్ గా ఎంతో మందికి తెలిసిన శ్రియ శర్మ.. న్యాయవాద విద్య పూర్తి చేసి ప్రస్తుతం లాయర్ గా ప్రాక్టీస్ చేస్తుంది. న్యాయవాద వృత్తి పట్ల ఆసక్తి ఎక్కువగా ఉన్నట్టు కూడా ఆ ఈమె చెప్పుకొచ్చింది. ప్రస్తుతం ఈమె వయసు 24 సంవత్సరాలు. ఇప్పుడు ఈ అమ్మడు హీరోయిన్లను మించి గ్లామర్ గా కనిపిస్తూ అందరినీ ఆశ్చర్యపరుస్తోంది. ఇక లాయర్ ప్రాక్టీస్ అయిపోయిన తర్వాత హీరోయిన్ గా చేస్తుందా? లేదా పూర్తిగా యాక్టింగ్ నీ పక్కన పెట్టేసిందా? అనేది తెలియాల్సి ఉంది.

Read also: నవీన్ కేసులో గర్ల్ ఫ్రెండ్ నిహారిక చెప్పిన సంచలన విషయాలు కొత్తగా వెలుగులోకి…!