జవాన్ ట్రైలర్ మామూలుగా లేదుగా.. మరో హిట్ పడ్డట్టేనా ?

షారూఖ్ ఖాన్ హీరోగా అట్లీ దర్శకుడిగా తెరకెక్కిస్తున్నా మూవీ జవాన్. ఈ సినిమాని రెడ్ చిల్లీస్ బ్యానర్ పై గౌరీ ఖాన్ నిర్మిస్తున్నారు. ఈ సినిమా అనౌన్స్ చేసినప్పటి నుంచి విపరీతమైన హైప్ క్రియేట్ అవుతూ వస్తుంది. ఆ మధ్య ప్రివ్యూ ఆఫ్ జవాన్ అని చిన్నపాటి ట్రైలర్ విడుదల చేయగా దేశవ్యాప్తంగా మంచి స్పందన లభించింది. రాఖీ పండుగ సందర్భంగా ఈ సినిమా ట్రైలర్ ని విడుదల చేశారు మూవీ మేకర్స్. జవాన్ ట్రైలర్ ద్వారా కథ అనేది దర్శకుడు అట్లీ క్లారిటీగా చెప్పేశాడనే చెప్పాలి. 

 

ఓ జవాన్ ఎందుకు ట్రైన్ హైజాక్ చేశారు ? ట్రైన్ హైజాక్ తరువాత ఏమైంది ? అనేది వెండి తెరపై చూడాలి. విజయ్ సేతుపతి ఆర్మ్ డీలర్ గా నటించారు. నీకు ఎవ్వరూ కావాలి అని ప్రభుత్వ అధికారుల నుంచి ప్రశ్న ఎదురైతే అలియా భట్ కావాలి అని షారూఖ్ ఖాన్ సమాధానం ఇవ్వడంలో సెటైర్ గా ఉంది. ఈ సినిమాలో షారూఖ్ డ్యూయల్ రోల్ చేస్తున్నాడని టాక్ వినిపిస్తోంది. ఈ సినిమాలో నా కొడుకు మీద చేయి వేసే ముందు వాడి బాబు మీద చేయి వేయాలి అనే చివరలో షారూఖ్ ఖాన్ చెప్పే డైలాగ్ తో అందరికీ క్లారిటీ ఇచ్చాడు అట్లీ. ఈ ట్రైలర్ లోని డైలాగ్స్ తో సినిమాపై మరింత అంచనాలు పెరిగిపోయాయి. షారూక్ కి ఈ మూవీ పక్కా హిట్ అవుతుంది అని జవాన్ ట్రైలర్ చూసిన సినీ విశ్లేషకులు అంచనాలు వేస్తున్నారు.