Advertisement
రెబల్ స్టార్ కృష్ణంరాజు మృతితో టాలీవుడ్ లో తీవ్ర విషాదం నెలకొంది. ఆది వారం కృష్ణంరాజు అంత్యక్రియలను తెలంగాణ ప్రభుత్వం అధికార లాంఛనాలతో జరపబోతోంది. మొయినాబాద్ వద్ద కనకమామిడి దగ్గర ఉన్న తన ఫామ్ హౌస్ లో అధికారిక లాంచనాలతో ఆయన అంత్యక్రియలు నిర్వహించనున్నారు. హీరో ప్రభాస్ సోదరుడు ప్రబోదు చేతులమీదుగా కృష్ణంరాజు అంతిమ సంస్కారాలను నిర్వహించనున్నారు.
Advertisement
అంత్యక్రియలకు కుటుంబ సభ్యులకు, బంధుమిత్రులకు మాత్రమే అనుమతించారు. ప్రస్తుతం జూబ్లీహిల్స్ లోని ఆయన నివాసంలో ఉన్న ఆయన భౌతిక కాయానికి సినీ, రాజకీయ ప్రముఖులు కడసారి నివాళులర్పిస్తున్నారు. 56 ఏళ్లకు పైగా సినిమా ఇండస్ట్రీలో ఉన్న కృష్ణంరాజు ఎన్నో గొప్ప సినిమాల్లో నటించారని సినీ పెద్దలు కొనియాడారు. అయితే కృష్ణంరాజు మరణ వార్తతో ఆయన అభిమానులు పలు వీడియోలను షేర్ చేస్తున్నారు.
Advertisement
ప్రస్తుతం కృష్ణంరాజు డాన్స్ వీడియో ఒకటి నెట్టింట సందడి చేస్తోంది. ప్రభాస్ మిర్చి సినిమా సందర్భంగా ఆడియో ఫంక్షన్ లో మ్యూజిక్ డైరెక్టర్ దేవిశ్రీప్రసాద్ కృష్ణంరాజుతో స్టెప్పులేయించాడు. ప్రస్తుతం ఆ వీడియో వైరల్ అవుతోంది. ఇదే ఆయన డ్యాన్స్ వేసిన చివరి వీడియో కావడం గమనార్హం. ఇదే విషయాన్ని టాలీవుడ్ నిర్మాత దిల్ రాజ్ కూడా పేర్కొన్నారు. మంచి మనిషి, మహా మనిషి దూరం కావటం, దురదృష్టకరం.. బాధాకరం.. కృష్ణంరాజు ఎన్నో మంచి సినిమాలు చేశారు…నాకు మిర్చి ఆడియో ఫంక్షన్ లో ప్రభాస్ తో డాన్స్ చేయడం మంచి అనుభూతి..అందరినీ కలుపుకోవడం ఎంతో మంచి గుణం..వారి ఆత్మకు శాంతి చేకూరాలని దిల్ రాజు వెల్లడించారు.
Read also : అత్యధిక ప్రాఫిట్ అందించిన టాప్ మీడియం బడ్జెట్ మూవీస్ ఇవే
