యోగి ఆదిత్యనాథ్ తర్వాత పవన్ మాత్రమే.. కృష్ణవంశీ సంచలన కామెంట్స్..!

టాలీవుడ్ ఇండస్ట్రీ కు చెందిన ప్రముఖ దర్శకుల్లో కృష్ణవంశీ ఒకరు. పవర్ స్టార్ పవన్ కళ్యాణ్ గురించి కొన్ని కామెంట్స్ చేశారు. అవి ప్రస్తుతం సోషల్ మీడియాలో వైరల్ అవుతున్నాయి. పవర్ స్టార్ పవన్ కళ్యాణ్ ఒక రియల్ లైఫ్ హీరో అంటూ కృష్ణవంశీ ప్రశంసించారు. ఆంధ్రప్రదేశ్ లో జరిగే రాజకీయాల గురించి అభిప్రాయాన్ని తెలుపమని ఒక నెటిజన్ కోరారు, దాంతో డైరెక్టర్ కృష్ణవంశీ స్పందించారు. డిప్యూటీ సీఎం పవన్ కళ్యాణ్ పై నాకు ఎంతో ప్రేమ మరియు గౌరవం ఉన్నాయని తెలిపారు. రాజకీయాలలో అందరూ ఎంతో అవినీతిగా వ్యవహరించడం సహజమే. అయితే పవన్ కళ్యాణ్ కు ఎన్నో విలువలు, విశ్వాసాలు ఉన్నాయి.

భగవంతుడు పవన్ కళ్యాణ్ కు ఎప్పుడు అండగా నిలబడాలని కోరుకుంటున్నాను అని ఆయన తెలియజేశారు. నిజం ఎప్పటికైనా నిజమేనని దాన్ని ప్రూవ్ చేయడానికి ఎవరి అంగీకారం అవసరం లేదని చెప్పడం జరిగింది. పవన్ కళ్యాణ్ ఒక రియల్ లైఫ్ హీరో అని ఇది మరొకసారి ప్రూవ్ అయింది అని తెలియజేశారు. అంతేకాక ఇలాంటి రాజకీయ నాయకులు ఎంతో మంది రావాలని కృష్ణవంశీ చెప్పారు. యోగి ఆదిత్యనాథ్ తర్వాత అటువంటి విలువలు, తెలివితేటలు ఉన్న వ్యక్తి పవన్ కళ్యాణ్ అని చెప్పారు.

అయితే ఈ కామెంట్స్ అన్ని పవన్ కళ్యాణ్ అభిమానులకు ఎంతో సంతోషాన్ని కలిగిస్తున్నాయి. పవన్ కళ్యాణ్ ప్రస్తుతం పొలిటికల్ కార్యక్రమాల్లో చాలా బిజీగా ఉన్నారు. అయితే సమయం చూసుకుని పవన్ కళ్యాణ్ త్వరలో హరిహర వీరమల్లు సినిమాతో బిజీ కానున్నారు. ఈ సినిమాపై అంచనాలు కూడా చాలా ఎక్కువగా ఉన్నాయి.

తెలుగు సినిమా వార్తల కోసం ఇవి చూడండి! తెలుగు న్యూస్ కోసం ఇవి చూడండి!