Advertisement
గోల్డెన్ తెలుగు సినిమా తరంలో మకుటంలేని మహారాణిగా కొనసాగిన మహానటి సావిత్రిని తెలుగు ప్రేక్షకులు ఎప్పటికీ మర్చిపోలేరు. ఆమె సినిమాలు నేటికీ ఆమెని సజీవంగా మన ముందు చూపిస్తున్నాయి. అయితే.. మహానటి సావిత్రి గురించి చాలా మందికి తెలియని ఒక విషయం ఇప్పుడు నెట్టింట్లో వైరల్ అవుతోంది. తన అందం, ప్రతిభతో తెలుగు, తమిళ చిత్రసీమలో సావిత్రి అంతులేని అభిమానాలను సొంతం చేసుకున్న సంగతి తెలిసిందే. నేడు ఆమె స్మారక దినం సందర్భంగా ఆమె గురించిన వార్తలు సోషల్ మీడియాలో వైరల్ అవుతున్నాయి.
Advertisement
నటన కోసమే పుట్టిన మహా నటి 1953లో విడుదలైన ‘దేవదాస్’ సినిమాతో తెలుగు తెరపై హీరోయిన్ గా పరిచయం అయ్యారు. తెలుగు మాత్రమే కాకుండా.. తమిళ్, కన్నడ చిత్రాలలో కూడా నటించిన మహానటి సౌత్ ఫిలిం ఇండస్ట్రీలో కోట్లాది మంది అభిమానులని సంపాదించుకున్నారు. తమిళ చిత్ర సీమలో నడిగర్ తిలగం అనే బిరుదు పొందిన సావిత్రి జెమిని గణేశన్ ను ప్రేమించి పెళ్లి చేసుకున్న సంగతి తెలిసిందే. అప్పటికే ఆయనకు ఇద్దరు భార్యలు ఉన్నారు.
Advertisement
చిన్నతనంలోనే తండ్రిని పోగొట్టుకున్న సావిత్రి పెదనాన్న కొమ్మారెడ్డి వెంకట్రామయ్య వద్ద పెరిగారు. నాటకరంగంపై ఆసక్తితో నాటకాలు వేసిన సావిత్రి ఆ తరువాత సినిమాల్లోనూ రాణించారు. ఆ తరువాత ఆమె చరిత్ర అందరికి తెరిచిన పుస్తకమే. అయితే.. ఆమె గురించి ఎవ్వరికి తెలియని విషయం ఏమిటంటే… సావిత్రి చిరుత పులిని తన పెంపుడు జంతువుగా పెంచుకునేవారట. ఎవరైనా, కుక్కల్ని,పిల్లుల్ని, కుందేళ్ళని వంటి సాధు జంతువులను పెంచుకునే వారు. కానీ సావిత్రి మాత్రం క్రూరమృగమైన చిరుతపులిని పెంచుకునేవారట. తన పెంపుడు జంతువు చిరుతపులితో సావిత్రి తీసుకున్న ఫోటో కూడా సోషల్ మీడియాలో వైరల్ అవుతోంది.
Read More:
మీ చెప్పుల్ని ఎవరైనా కొట్టేసారా? జ్యోతిష్య శాస్త్రం ప్రకారం ఆ ప్రభావం ఎలా పడుతుందో తెలుసా?
రేవంత్ రెడ్డి రాజకీయ ప్రస్థానం ఇదే.. ఎక్కడ నుంచి మొదలైందంటే?
“రేవంత్ రెడ్డి” సర్కార్ కి BRS పంపిన డేంజర్ బెల్స్ ! వీటిని నిర్లక్ష్యం చేసారో అంతే !
