60 ఏళ్ల నాటి తండ్రి పాస్ బుక్ చెత్తలో కనిపించింది.. రాత్రికి రాత్రే కోటీశ్వరుడిగా మారిన వ్యక్తి!

పొరపాటున మీరెప్పుడైనా రాత్రికి రాత్రే మిలియనీర్ అయినట్లు ఊహించుకున్నారా? కానీ, ఈ వ్యక్తి జీవితంలో అది నిజంగానే జరిగింది. చిలీ వ్యక్తి ఎక్సెక్వియెల్ హినోజోసాకు సరిగ్గా అదే జరిగింది, అతను కేవలం ఇంట్లో చెత్తని క్లియర్ చేస్తున్న టైం లో అతనికో మ్యాజిక్ కీ దొరికింది. అదేంటో కాదు.. తన తండ్రి దాచిపెట్టిన దశాబ్దాల కాలం నాటి పాస్ బుక్. ఎక్సిక్విల్ ఇంటిని శుభ్రపరిచే సమయంలో అనుకోకుండా ఓ పుస్తకాన్ని చూసాడు. మొదట దాన్ని అంతగా పట్టించుకోలేదు.

కానీ.. అనుకోకుండా చూడగా అది పాస్ బుక్ అని అర్ధం ఐంది. అది ఓపెన్ చేసి చూసేసరికి అతనికి దిమ్మ తిరిగింది. కోట్లాది ఆస్తికి అతను వారసుడు అన్న సంగతి అతనికి అర్ధం అయ్యింది. తన తండ్రి చాలా కాలంగా పోగొట్టుకున్న బ్యాంక్ పాస్‌బుక్ అతనికి దొరికిందని అర్ధం చేసుకున్నాడు. అతని తండ్రికి మాత్రమే ఈ బ్యాంకు ఖాతా గురించి తెలుసు, మరియు దశాబ్దం క్రితం అతను చనిపోవడంతో ఆ విషయం మరుగున పడిపోయింది. 1960-70లలో, ఎక్సిక్వియెల్ తండ్రి 1.40 లక్షల చిలీ పెసోలను డిపాజిట్ చేశారు, భవిష్యత్తులో ఇంటి కొనుగోలు గురించి ఆలోచించారు.

ఈ మొత్తాన్ని ప్రస్తుత లెక్కల్లో చూస్తే.. సుమారుగా $163 లేదా 13,480 భారతీయ రూపాయలకు సమానం అయితే, ఆ కాలంలో విలువ దాని సంఖ్యాపరమైన ప్రాతినిధ్యం కంటే ఎక్కువగా ఉంది. అయితే ఇప్పుడు ఈ మొత్తాన్ని క్లెయిమ్ చేసుకోవాలని ఎక్సిక్వియెల్ అనుకున్నాడు. కానీ ఆ పాస్ బుక్ తాలూకు బ్యాంకు మూతబడి ఉండడంతో అతని ఆశలపై నీళ్లు చల్లినట్లైంది. అయితే.. అక్కడి నియమాల ప్రకారం డబ్బు చెల్లించడంలో బ్యాంకు ఆలస్యం చేస్తే.. ఆ మొత్తాన్ని ప్రభుత్వం చెల్లించాల్సి ఉంటుంది. కానీ, ఆ మొత్తాన్ని చెల్లించడానికి ప్రభుత్వం నిరాకరించింది. దీనితో ఎక్సిక్వియెల్ కోర్టుకు వెళ్ళాడు. తనకు ఇవ్వాల్సిన మొత్తాన్ని ఇప్పించాలని న్యాయస్థానాన్ని అభ్యర్ధించాడు. అయితే.. కోర్టు కూడా ఇరు పక్షాల వాదోపవాదాలు విన్న తరువాత ఆ మొత్తాన్ని తిరిగి ఇవ్వాలని ప్రభుత్వాన్ని కోర్టు ఆదేశించింది. 1.2 మిలియన్ డాలర్లకు (సుమారు 10 కోట్ల భారతీయ రూపాయిలు) సమానమైన 1 బిలియన్ చిలీ పెసోలను తిరిగి చెల్లించవలసిందిగా కోర్టు ప్రభుత్వాన్ని ఆదేశించింది.

Read More:

చిరంజీవి వల్ల కెరీర్ పోగొట్టుకున్న టాప్ డైరెక్టర్స్ వీరే.. లిస్ట్ ఓ లుక్ వేయండి!

Parking Movie Review in Telugu : పార్కింగ్ ఓటీటీ రివ్యూ… ఈ తమిళ్ హిట్ సినిమా ఎలా ఉందంటే..?

మనవరాలిగా చేసిన శ్రీదేవి హీరోయిన్ అంటూ తిట్టిన వారికి ఎన్టీఆర్ ఇచ్చిన సమాధానం ఏంటో తెలుసా ?