ఆగడు గురించి ఎవరికీ తెలియని 8 విషయాలివే..!

మహేష్ బాబు కెరియర్ లో దూకుడు వంటి ఎన్నో బ్లాక్బస్టర్ హిట్లు తర్వాత ఆగడు సినిమా విడుదల అయింది. శ్రీను వైట్ల మహేష్ బాబు కాంబినేషన్లో ఈ సినిమా పై ఎన్నో అంచనాలు ఉన్నా సరే ఫ్లాప్ అయింది. ఈ సినిమాకు ఎస్ఎస్ తమన్ సంగీతం అందించడంతో హైప్ మరింత పెరిగింది, కాకపోతే అంచనాలు అందుకోలేదు. ఈ సినిమా విడుదలయి పదేళ్లు పూర్తి అయింది. దూకుడు సినిమా చేస్తున్న సమయంలో శ్రీను వైట్ల ఆగడు టైటిల్ ను రిజిస్టర్ చేయించడం జరిగింది.

దూకుడు, బిజినెస్ మ్యాన్, సీతమ్మ వాకిట్లో సిరిమల్లె చెట్టు వంటి మంచి విజయాలను అందుకున్న తర్వాత వన్ నేనొక్కడినే లో నటించారు, అయితే ఆ సినిమా ఫ్లాప్ అయింది. దాని తర్వాత మహేష్ బాబు మంచి కథ కోసం ఎదురు చూస్తున్న సమయంలో శ్రీను వైట్లని అప్రోచ్ అయ్యారు. అప్పుడు కేవలం ఫస్ట్ హాఫ్ కి సంబంధించిన కథ మాత్రమే ఉంది. దాంతో ఆగడు టైటిల్ తో ప్రాజెక్టును అనౌన్స్ చేశారు. కాకపోతే స్క్రిప్ట్ కూడా సరిగా లేదు దాంతో సినిమాను బేల్ పూరి సాంగ్ తో షూటింగ్ ప్రారంభించారు. ఈ సాంగ్ విదేశాల్లో షూట్ చేశారు.

Also read:

• దేవర సినిమాలాగే కోస్టల్ బ్యాక్డ్రాప్ పై వచ్చిన 10 సినిమాలు ఇవే..!

అక్కడ ఆక్సిజన్ లెవెల్స్ సరిగా లేకపోవడం వలన మహేష్ బాబు కొద్ది రోజులు పాటు బెడ్ రెస్ట్ తీసుకోవడం జరిగింది. దానితో షూటింగ్ కు కొంత బ్రేక్ వచ్చింది. శ్రీను వైట్ల రైటర్స్ కోన వెంకట్, గోపి మోహన్ లేకుండా తీసిన మొదటి సినిమా ఆగడు. అయితే ఈ సినిమా ఫస్ట్ హాఫ్ కు సంబంధించి స్క్రీన్ ప్లేను అనిల్ రావిపూడి అందించడం జరిగింది. అదే సమయంలో కళ్యాణ్ రామ్ నుండి డైరెక్షన్ ఛాన్స్ రావడంతో అనిల్ రావిపూడి ప్రాజెక్ట్ నుండి తప్పుకున్నారు. దాంతో రైటర్స్ సపోర్ట్ లేకుండా శ్రీను వైట్ల సెకండ్ హాఫ్ పై పని చేశారు. మొదటి షో తోనే సినిమాకు డిజాస్టర్ టాక్ వచ్చినా సరే ఓవర్సీస్ లో ప్రీమియర్స్ తోనే హాఫ్ మిలియన్ కొట్టిన మొదటి సినిమాగా నిలిచింది.

తెలుగు సినిమా వార్తల కోసం ఇవి చూడండి! తెలుగు న్యూస్ కోసం ఇవి చూడండి!