టీమిండియా మాజీ క్రికెటర్ జహీర్ ఖాన్ కు తప్పిన ప్రమాదం ?

ఇవాళ దేశంలోని రెండు ప్రాంతాల్లో భారీ అగ్ని ప్రమాదాలు చోటు చేసుకున్నాయి.  మహారాష్ట్ర, పూణేలోని లొల్ల నగర్ చౌక్ లో ఉన్న మార్వెల్ విస్టా భవనంలో మంగళవారం భారీ అగ్ని ప్రమాదం చోటు చేసుకుంది. ఈ భవనం యొక్క పై అంతస్తుల్లో ప్రమాదం జరగగా, ఇదే భవనంలోని గ్రౌండ్ ఫ్లోర్ లో టీమిండియా మాజీ క్రికెటర్ జహీర్ ఖాన్ రెస్టారెంట్ ఉంది. ఉదయం 8 గంటల ప్రాంతంలో ఈ ప్రమాదం చోటు చేసుకున్నట్లుగా అక్కడ ఉన్న స్థానికులు చెబుతున్నారు.

ఈ విషయం తెలుసుకున్న అగ్నిమాపక సిబ్బంది హుటాహుటిన ఘటన స్థలానికి చేరుకొని మంటలను అదుపులోకి తెచ్చారు. ఈ ఘటనలో ఎలాంటి ప్రాణ నష్టం, ఆస్తి నష్టం జరగకపోవడంతో అందరూ ఊపిరి పీల్చుకున్నారు. ప్రమాదానికి గల కారణాలు ఇంకా తెలియాల్సి ఉంది.

ఇక అటు భారతదేశ రాజధాని ఢిల్లీ నరేలా ప్రాంతంలో భారీ అగ్నిప్రమాదం చోటుచేసుకుంది. ఓ ఫుట్ వేర్స్ ఫ్యాక్టరీలో మంగళవారం ఉదయం ఫైర్ యాక్సిడెంట్ కాగా, ఈ ఘటనలో ఇద్దరు మృతి చెందారు. సమాచారం అందుకున్న అగ్నిమాపక సిబ్బంది 10 ఫైర్ ఇంజన్లతో సంఘటన స్థలానికి చేరుకుని మంటలను అదుపులోకి తీసుకువచ్చారు. ఫ్యాక్టరీలోని మూడో అంతస్తులో మంటలు చెలరేగాయి. మంటలు చెలరేగిన సమయంలో ఫ్యాక్టరీలో వందమంది కార్మికులు పనిచేస్తున్నట్లు సమాచారం. మృతుల సంఖ్య పెరిగే అవకాశం ఉందని పోలీసులు పేర్కొన్నారు.

read also : ఇకపై వన్డేలకు కెప్టెన్ గా ధావన్.. టీ20లకు హార్ధిక్..!