ఆ ప్రాంతంలో ఖరీదైన ప్రాపర్టీని కొన్న చిరు .. ఎన్ని కోట్లంటే..?

చిరంజీవి ఎలాంటి బ్యాగ్రౌండ్ లేకుండా ఇండస్ట్రీలోకి వచ్చారు. మెగాస్టార్ చిరంజీవి హీరోగా తనకంటూ ప్రత్యేకమైన గుర్తింపును తెచ్చుకున్నారు. అంతేకాదు కోట్లాది మంది అభిమానుల్ని సంపాదించుకున్నారు. చిరంజీవి ప్రస్తుతం వరుస సినిమాలలో నటిస్తున్నారు. సీనియర్ హీరో అయినా కూడా ఏమాత్రం తగ్గకుండా సినిమాలు చేస్తూ మంచి పేరు తెచ్చుకుంటున్నారు. ఈ వయసులో కూడా అదే ఊపుతో కంటిన్యూ చేయడం మామూలు విషయం కాదు. సినిమాల్లో, యాడ్స్ లో నటిస్తూ బానే ఆస్తుల్ని కూడబెట్టారు. ఆయన దగ్గర ప్రస్తుతం కోట్ల విలువ చేసే ఆస్తులు ఉన్నాయన్న విషయం మనకు తెలిసిందే.

గత రెండు రోజులుగా సోషల్ మీడియాలో మెగాస్టార్ ప్రాపర్టీస్ కి సంబంధించిన వార్త వైరల్ అవుతోంది. ఊటీలో కొండ ప్రాంతంలో ఒక ప్రాపర్టీని కొన్నట్లు తెలుస్తోంది. దేశ వ్యాప్తంగా ఉన్న చాలా మంది సెలబ్రిటీలు సెలవుల్ని గడపడానికి ఊటీలో బంగ్లాలని కొనడం కొత్తవి నిర్మించుకోవడం చేస్తారు. ఇప్పటికే అనేక మంది సినిమా తారలకు అక్కడ సొంత ఫామ్ హౌస్లు ఉన్నాయి. తాజాగా మెగాస్టార్ చిరంజీవి తమిళనాడులోని ఊటీ లో స్థలాన్ని కొన్నారు.

Also read:

• ఆ పాపం చేస్తే నరకానికే.. రేణు దేశాయ్ సంచలన కామెంట్స్..!

చుట్టూ టీ గార్డెన్స్ మధ్య వ్యూ పాయింట్ లో 5.5 ఎకరాల విస్తీర్ణంలో ఉన్న ప్రాపర్టీని కొనుగోలు చేశారని.. దాని విలువ 16 కోట్లకు పైనే ఉంటుందని తెలుస్తోంది. రిజిస్ట్రేషన్ పనులు కూడా పూర్తయిపోయాయని తెలుస్తోంది. ఈ స్థలాన్ని రామ్ చరణ్ ఉపాసన దంపతులు వెళ్లి చూసి వచ్చారని త్వరలోనే అనుభవం కలిగిన ఆర్కిటెక్స్ ఆధ్వర్యంలో ఫార్మ్ హౌస్ నిర్మించడానికి ప్లాన్ చేస్తున్నారని అనుమతుల కోసం ఎదురు చూస్తున్నారని తెలుస్తోంది.

తెలుగు సినిమా వార్తలు కోసం ఇవి చూడండి! తెలుగు న్యూస్ కోసం ఇవి చూడండి!