Advertisement
Naga Babu Comments: ప్రస్తుతం ప్రపంచవ్యాప్తంగా ఎక్కడ చూసినా ఆర్ఆర్ఆర్ సినిమా హవానే నడుస్తోంది. ఈ సినిమాలోని “నాటు నాటు” పాట ఆస్కార్ కు నామినేట్ కావడంతో సోషల్ మీడియాలో ఫుల్ బజ్ ఏర్పడింది. ఇందులో భాగంగా దర్శకుడు ఎస్ఎస్ రాజమౌళి, మెగా పవర్ స్టార్ రామ్ చరణ్, జూనియర్ ఎన్టీఆర్ సైతం అమెరికాకు వెళ్లి సినిమాని ప్రమోట్ చేస్తున్నారు. 95 వ ఆస్కార్ అవార్డుల ప్రధానోత్సవం మార్చి 12వ తేదీన జరగనుంది. ఈ నేపథ్యంలో ఆర్ఆర్ఆర్ ప్రమోషన్స్ కోసం 80 కోట్లు ఖర్చు పెట్టారంటూ ప్రముఖ దర్శక నిర్మాత తమ్మారెడ్డి చేసిన వ్యాఖ్యలు టాలీవుడ్ లో తీవ్ర దుమారం రేపాయి. అయితే ఈ కామెంట్లకు మెగా బ్రదర్ నాగబాబు నుంచి తనదైన శైలిలో కౌంటర్లు వస్తున్నాయి.
Advertisement
Advertisement
ఇప్పటికే ఈ విషయంలో నాగబాబు – తమ్మారెడ్డి ల మధ్య సోషల్ మీడియా వేదికగా వార్ నడుస్తోంది. ఈ క్రమంలో తాజాగా నాగబాబు మరోసారి తమ్మారెడ్డికి స్ట్రాంగ్ కౌంటర్ ఇచ్చారు. మొదట ఫేస్బుక్ లో ఓ పోస్ట్ తో తమ్మారెడ్డికి చురకలంటించిన మెగా బ్రదర్.. ఆ తర్వాత ఏకంగా 10 నిమిషాల వీడియోని పోస్ట్ చేశారు. అందులో మరోసారి తమ్మారెడ్డి పై విరుచుకుపడ్డారు నాగబాబు. “తెలుగు సినిమాకి ఆస్కార్ వచ్చిందంటే గర్వపడాలి. ఆస్కార్ వస్తే తెలుగోడు తలెత్తుకుంటాడు. ఒకవేళ రాకపోయినా పరవాలేదు. మనం పోటీలో ఉన్నాం అని గర్వంగా చెప్పుకోవచ్చు. కానీ మీరు ఆర్ఆర్ఆర్ ఆస్కార్ బరిలో ఉన్నందుకు కుళ్ళుకొని చచ్చిపోతున్నారు. మన తెలుగు సినిమా అని గర్వపడాల్సింది పోయి.. 80 కోట్లు ఖర్చు పెట్టారని విమర్శిస్తారా?
మీరు చూశారా? అసలు మీకు ఏం సంబంధం? ఆ పాటలో రామ్ చరణ్, ఎన్టీఆర్ ఎంత కష్టపడ్డారో చూశారా. మనం కూర్చుంటే లేవలేం. మోకాళ్లు పనిచేయవు. రిటైర్ అయిపోయాం. కుక్కలకు కూడా పనికిరాము. మరి వాళ్ళు ఎలా డాన్స్ చేశారో చూశారు కదా. వీలైతే ప్రోత్సాహిద్దాం. అంతేకానీ మనల్ని మనం ఇలా కించపరచుకోకూడదు. ఇంతకు ముందు మీరు ఎన్ని విమర్శలు చేసినా రియాక్ట్ కాలేదు. ఊరుకుంటున్నాం కదా అని ఆస్కార్ విషయంలో కూడా ఇంత విషం కక్కుతారా.. ఒకటి గుర్తుపెట్టుకోండి. ఇది మళ్లీ రిపీట్ అయితే కౌంటర్ ఉంటుంది. మీరు నాకన్నా వయసులో పెద్దవాళ్ళని గౌరవంగా చెబుతున్నాను. ప్లీజ్ నోరు అదుపులో పెట్టుకోండి” అంటూ కూల్ గా కౌంటర్ ఇచ్చారు నాగబాబు.
Read also: ఓకే ఫ్రేమ్ లో ముగ్గురు టాలీవుడ్ లెజెండ్స్ సతీమణులు!
