‘పెళ్లి చూపులు’ లాంటి బంపర్‌ హిట్‌ సినిమాను వదులుకున్న నిఖిల్‌ !

విజయ్ దేవరకొండ హీరోగా, రీతు వర్మ హీరోయిన్ గా తరుణ్ భాస్కర్ డైరెక్షన్ లో తెరకెక్కిన చిత్రం ‘పెళ్లి చూపులు’. ప్రియదర్శి కీలక పాత్రలో నటించిన ఈ చిత్రాన్ని బిగ్ బెన్ సినిమాస్ ‘ధర్మపథ క్రియేషన్స్’ బ్యానర్లపై రాజు కందుకూరి, యష్ రంగినేని లు కలిసి నిర్మించగా తెలుగు రాష్ట్రాల్లో ‘సురేష్ ప్రొడక్షన్స్’ సంస్థ, ఓవర్సీ స్లో ‘ఫ్రీజ్ ఫ్రేమ్ ఫిలిమ్స్’ వారు డిస్ట్రిబ్యూట్ చేయడం జరిగింది.

2016 వ సంవత్సరంలో జూలై 29న ఎటువంటి అంచనాలు లేకుండా రిలీజ్ అయిన ఈ చిత్రం ఘన విజయాన్ని సొంతం చేసుకుంది. అంతేకాదు ఈ చిత్రానికి ‘బెస్ట్ తెలుగు ఫిలిం’ మరియు ‘బెస్ట్ స్క్రీన్ ప్లే’ కేటగిరీలో రెండు నేషనల్ అవార్డులు రావడం విశేషం. ఇది ఇలా ఉండగా నిఖిల్ పెళ్లి చూపులు సినిమాను మిస్ చేసుకున్నారట.

ఈ విషయాన్ని స్వయంగా నిఖిల్ ఓ ఛానల్ కు ఇచ్చిన ఇంటర్వ్యూలో చెప్పాడు. తనకు పెళ్లి చూపులు సినిమాలో నటించడానికి డైరెక్టర్ తరుణ్ భాస్కర్ ఆఫర్ చేయగా, తానే సినిమాను రిజెక్ట్ చేశానని, సినిమా కథ తనకు ఎంతగానో నచ్చినప్పటికీ వేరే షూటింగ్ లో బిజీగా ఉండడం వల్ల, డేట్స్ అడ్జస్ట్ కాకపోవడంతో సినిమాను రిజెక్ట్ చేశానని నిఖిల్ చెప్పారు. కాగా.. నిఖిల్‌ ఇటీవల చేసిన కార్తికేయ 2 సినిమా బంపర్‌ విజయాన్ని అందుకున్న సంగతి తెలిసిందే. ఇప్పటికే ఈ సినిమా రూ.100 కోట్ల క్లబ్‌ లో చేరిపోయింది. హిందీలోనూ మంచి కలెక్షన్లను రాబడుతోంది.

REad also : ఘనంగా ఆలీ కూతురు నిశ్చితార్థం వేడుక, వైరల్ అవుతున్న ఫోటోలు !