పూరిని టార్గెట్ చేసిన ఎన్టీఆర్ ఫ్యాన్స్.. కారణం ఏంటంటే..?

యంగ్ టైగర్ ఎన్టీఆర్ హీరోగా పూరి జగన్నాథ్ దర్శకత్వంలో వచ్చిన సినిమా టెంపర్. ఈ సినిమాకి వక్కంతం వంశీ రచయిత అనే సంగతి తెలిసిందే. వరుస ప్లాపుల్లో ఉన్న పూరి జగన్నాథ్ కి టెంపర్ సినిమా భారీ కంబ్యాక్ ఇచ్చింది. ఈ చిత్రాన్ని పరమేశ్వర ఆర్ట్ ప్రొడక్షన్స్ పతాకంపై బండ్ల గణేష్ నిర్మించారు. ఈ చిత్రానికి మణిశర్మ నేపథ్య సంగీతం సమకూర్చగా.. అనూప్ రూబెన్స్ సౌండ్ ట్రాక్ స్వరపరిచారు. అయితే తాజాగా దర్శకుడు వక్కంతం వంశీ ఆలీతో సరదాగా షో కి గెస్ట్ గా విచ్చేశారు. ఈ సందర్భంగా వంశీ మాట్లాడుతూ పూరీపై సంచలన వ్యాఖ్యలు చేశారు.

Read also: యూట్యూబ్ ని షేక్ చేస్తున్న సమంత పాత యాడ్స్.. అప్పుడు ఎలా ఉందో చూడండి!

ఈ మూవీ బ్లాక్ బస్టర్ హిట్ గా నిలవడానికి ఈ సినిమా క్లైమాక్స్ కారణం అనే విషయం తెలిసిందే. అయితే స్టోరీ చర్చలు జరుగుతున్నప్పుడు క్లైమాక్స్ గురించి చెబుతూ సిడి ఖాళీగా ఉంది అని వంశీ చెప్పగానే.. చిత్రంలోని వాసు గ్యాంగ్ ( తమ్ముళ్ళని ) కోర్టు బయటకు తీసుకువచ్చి హీరో కొట్టి చంపేయడంతో అక్కడికి సినిమా అయిపోతుందని పూరి చెప్పాడంట. కానీ దానికి వంశీ ఒప్పుకోకుండా.. అలా అయితే సినిమా చాలా సింపుల్ గా ఉంటుందని అనిపించి హీరో నేరం తన పైన వేసుకుంటాడని వంశీ క్లైమాక్స్ చెప్పాడట. ఆయన చెప్పిన క్లైమాక్స్ కి ఎన్టీఆర్ కూడా ఒప్పుకున్నాడని తెలిపాడు. వంశీ చేసిన ఈ వ్యాఖ్యలు ప్రస్తుతం సోషల్ మీడియాలో వైరల్ గా మారాయి.

ఈ విషయం తెలిసిన ఎన్టీఆర్ అభిమానులు పూరి జగన్నాథ్ ను సోషల్ మీడియా వేదికగా ట్రోల్ చేస్తున్నారు. ఒకవేళ పూరి జగన్నాథ్ చెప్పిన క్లైమాక్స్ తో సినిమా తీసి ఉంటే సినిమా అట్టర్ ప్లాప్ అయ్యేదని ఎన్టీఆర్ అభిమానులు పూరి జగన్నాథ్ ని విపరీతంగా ట్రోల్ చేస్తున్నారు. ఎన్టీఆర్, పూరి జగన్నాథ్ కి మరో ఛాన్స్ ఇవ్వకూడదని ఫ్యాన్స్ కామెంట్ చేస్తున్నారు. మరి దీనిపై పూరి జగన్నాథ్ ఎలా స్పందిస్తాడో వేచి చూడాలి.

Also Read: మీనా ఆయన్ని రెండవ వివాహం చేసుకుంటున్నారా ? ఇష్టం లేకున్నా అంటూ వైరల్ అవుతున్న వార్త !