పట్టపగలు రెచ్చిపోయిన వన్ సైడ్ లవర్.. ప్రియురాలికి పెళ్లి జరుగుతుందని తెలిసి..!!

ప్రేమ అంటే ఒక మధురానుభూతి అన్న విషయం తెలిసిందే. కానీ ఈ మధ్యకాలంలో ప్రేమ పేరుతో బయట ఎన్నో దారుణాలు జరుగుతున్నాయి. వారి ప్రేమను అంగీకరించకపోవడంతో కొందరు ప్రేమికులు క్షణికావేశంలో దారుణాలకు ఒడిగడుతున్నారు. తాజాగా ఇలాంటి ఘటనే కర్ణాటకలో చోటుచేసుకుంది. ఓ వన్ సైడ్ లవర్ నడిరోడ్డుపై కిరాతకానికి పాల్పడ్డాడు. తాజాగా చోటు చేసుకున్న ఈ ఘటన స్థానికంగా తీవ్ర కలకలం రేపింది. వివరాల్లోకి వెళితే.. కర్ణాటకలోని దేవనగెరే ప్రాంతంలో సుల్తానా అనే యువతి తల్లిదండ్రులతో పాటు నివాసం ఉంటుంది. అదే ప్రాంతంలో సాధత్ అలియాస్ చాంద్ పీర్ అనే యువకుడు కూడా నివాసం ఉంటున్నాడు.

అయితే గత కొంతకాలంగా సుల్తానాని ప్రేమిస్తున్నానంటూ ఆమె వెంట పడ్డాడు. అంతటితో ఆగకుండా పెళ్లి చేసుకుంటానని వేధింపులకు గురి చేశాడు. అతని ప్రేమను ఆ యువతి అంగీకరించలేదు. దీంతో అతను ఏకంగా సుల్తానా ఇంటికి వెళ్లి మీ కూతురిని పెళ్లి చేసుకుంటానని కోరాడు. దీనికి ఆమె కుటుంబ సభ్యులు అంగీకరించలేదు. ఇంకోసారి తమ కూతురి వెంటపడితే పోలీసు కేసు పెడతామని సుల్తానా తల్లిదండ్రులు హెచ్చరించారు. అయినా వినకుండా చాంద్ పీర్ ఆ యువతి వెంటపడేవాడు. ఈ క్రమంలో సుల్తానాకు ఆమె తల్లిదండ్రులు మరో యువకుడితో వివాహం చేయాలని నిశ్చయించారు.

ఈ విషయం తెలుసుకున్న చాంద్ పీర్ ప్రియురాలిపై కోపంతో రగిలిపోయాడు. అతడికి ఏం చేయాలో అర్థం కాలేదు. ఇటీవల కాపు కాసి పట్టపగలుగా యువతి వెళుతున్న క్రమంలో కత్తితో దాడికి పాల్పడ్డాడు. ఈ ఘటనలో సుల్తానా అక్కడికక్కడే ప్రాణాలు విడిచింది. అనంతరం బైక్ పై అక్కడి నుంచి పారిపోయాడు చాంద్ పీర్. దీంతో వెంటనే స్పందించిన యువతి తల్లిదండ్రులు కన్నీరు మున్నీరుగా విలపించారు. అనంతరం యువతీ తల్లిదండ్రులు పోలీసులకు ఫిర్యాదు చేశారు. ఈ ఘటన తర్వాత సాదత్ అలియాస్ చాంద్ పీర్ కూడా విషం తాగి ఆ****యత్నం చేశాడు. ఇటీవల చోటు చేసుకున్న ఈ ఘటన స్థానికంగా తీవ్ర కలకలంగా మారింది.

Related posts:

About anji