OTT Release: ‘ఓరి దేవుడా’ మూవీ ఓటీటీ రిలీజ్.. స్ట్రీమింగ్ ఎందులో అంటే ?

థియేటర్లలోనే కాకుండా అన్ని సినిమాలను ఓటిటిలోనూ రిలీజ్ అవుతున్నాయి. ఇక ఇందులో తెలుగుపేక్షకులను విశేషంగా ఆకట్టుకుంటున్న డిజిటల్ ప్లాట్ ఫామ్ ఆహా తెలుగులో రిలీజ్ అయిన సినిమాలతో పాటు, డబ్బింగ్ రూపంలో వచ్చిన సినిమాలను కూడా తెలుగు ప్రేక్షకుల ముందుకు తీసుకొస్తుంది. ఇక విడుదలైన నెల రోజుల్లో విడుదలైన సినిమాలను చూశాము. కానీ తాజాగా స్టార్ కాస్ట్ తో విడుదలైన సినిమా 20 రోజుల్లోనే డిజిటల్ స్ట్రీమింగ్ కి వచ్చేస్తోంది.

విక్టరీ వెంకటేష్, యంగ్ హీరో విశ్వక్సేన్ ప్రధాన పాత్రలలో నటించిన రీమేక్ సినిమా ‘ఓరి దేవుడా’. రొమాంటిక్, లవ్, డ్రామా జానర్ లో తెరకెక్కిన ఈ సినిమా దీపావళి సందర్భంగా అక్టోబర్ 21న తియేట్రికల్ రిలీజ్ అయింది. తమిళంలో సూపర్ హిట్ అయినా ‘ఓ మై కడవలే’ మూవీకి ఇది రీమేక్ కాగా తెలుగులో కూడా సూపర్ హిట్ టాక్ తెచ్చుకున్న ఓరి దేవుడా, కలెక్షన్స్ పరంగా కూడా బ్రేక్ ఈవెన్ టార్గెట్ రీచ్ అయినట్లు తెలుస్తోంది.

ఇది ఇలా ఉండగా విశ్వక్సేన్ సరసన ఈ సినిమాలో మిథిలా పాల్కర్ హీరోయిన్ గా నటించింది. అయితే, ఈ సినిమా డిజిటల్ స్ట్రీమింగ్ హక్కులను ఆహా సొంతం చేసుకోగా, ఈ మధ్యే స్ట్రీమింగ్ డేట్ అనౌన్స్ చేసింది. ఓరి దేవుడా మూవీని నవంబర్ 11 నుండి స్ట్రీమింగ్ చేయనున్నట్లు అధికారికంగా ఇప్పటికే ప్రకటించింది. దీంతో విడుదలైన మూడు వారాల్లోనే సినిమా ఓటీటీలోకి వస్తుందనే సరికి ఓటిటి ప్రేక్షకులు సంతోషించిన, హీరోలా ఫ్యాన్స్ మాత్రం అవాక్కవుతున్నారు. అయితే… నవంబర్ 11 నుండి స్ట్రీమింగ్ అయిన… ఓరి దేవుడా మూవీపై ప్రశంసలు వస్తున్నాయి. చాలా మంది థియేటర్లలో చూడని వారు.. ఇప్పుడు ఓటీటీలో చూసేందుకు ఎగబడుతున్నారు. దీంతో చిత్ర బృందం అలాగే, ఆహా ఫుల్‌ ఖుషీ అవుతోంది.

READ ALSO : కార్తీ ‘సర్దార్’ ఓటీటీ రిలీజ్ డేట్.. స్ట్రీమింగ్ ఎప్పుడు, ఎక్కడ?