షారుక్ ఖాన్‌ చేస్తే నేరం.. పవన్ చేస్తే హీరోయిజమా ?

గుంటూరు జిల్లా ఇప్పటం గ్రామ పర్యటనకు వెళ్లిన జనసేనని పవన్ కళ్యాణ్… ఆ రోజు కారు టాప్ ఎక్కి పైకి హల్చల్‌ చేసిన ఓ వీడియో సోషల్ మీడియాలో వైరల్ అవుతోంది. జనసేన ఆవిర్భావ సభ కోసం ఇప్పటం గ్రామస్తులు భూములు ఇచ్చారన్న ఆగ్రహంతో వైసీపీ సర్కారు గ్రామంలో రోడ్ల వెడల్పు పేరిట ఇళ్లను కూల్చి వేసిందని పవన్ ఆరోపణ. ఆ నేపధ్యం లోనే ఇప్పటం బాధితులను పరామర్శించేందుకు గత శనివారం ఇప్పటంలో పర్యటించారు పవన్‌. శుక్రవారం రాత్రికే విజయవాడ చేరుకున్న జనసేనని గత శనివారం మధ్యాహ్నం ఇప్పటం గ్రామానికి చేరుకున్నారు.

మంగళగిరిలోని పార్టీ కార్యాలయం వద్ద బయలుదేరిన పవన్ ఇప్పటం గ్రామం చేరుకోకముందే తాను ప్రయాణిస్తున్న కారు టాప్ ఎక్కి పైకి ఎక్కారు. అనంతరం కారు టాప్ పై అలా కాళ్లు బారజాపుకుని రిలాక్స్డ్ గా కూర్చున్నారు. వేగంగా దూసుకుపోతున్న చలించని పవన్ కారుపై రిలాక్స్డ్ గా కూర్చోవడం హైలెట్ సీన్. ఇది ఇలా ఉండగా, ఐపీఎల్ మ్యాచ్ జరుగుతుండగా హీరో షారుక్ ఖాన్ స్టేడియంలో సిగరెట్ కాలుస్తూ కనిపించాడు. అప్పట్లో అదో పెద్ద న్యూస్ అయ్యింది. దేశవ్యాప్తంగా షారుక్ పై విమర్శలు వెల్లువెత్తాయి. టాప్ సెలబ్రిటీ హోదాలో ఉండి ఒక చెడు అలవాటుని ప్రమోట్ చేశాడని షారుక్ నీ తప్పు పట్టారు. ఆయన చట్టపరమైన చర్యలు ఎదుర్కొన్నాడు. ఇక్కడ షారుక్ సిగరెట్ తాగడం తప్పు కాదు, పబ్లిక్ లో తాగడం తప్పు.

ఒక స్టార్ హీరో పబ్లిక్ లో సిగరెట్ తాగడమే తప్పయితే, కారు టాప్ మీద కూర్చొని ప్రాణాలు తీసే ప్రయాణం చేయడం ఎంత తప్పు. దురదృష్టవశాత్తు ఇది పవన్ హీరోయిజంగా అభివర్ణిస్తున్నారు. ఆ లెక్కన షారుక్ చేసింది నేరమే కాదు. తన పాటికి తాను స్టేడియంలో సిగరెట్ తాగుతూ మ్యాచ్ చూశారు. కెమెరామెన్ ఆయన్ని చూపించడంతో వివాదం అయింది. పవన్ మాత్రం ఒక డ్రోన్ కెమెరా సెట్ చేసుకొని షూట్ చేసి సోషల్ మీడియాలో వదిలారు. పవన్ కి ఉన్న అతిపెద్ద వీక్నెస్ ఎమోషన్స్ పై అదుపు లేకపోవడం. కోపం వస్తే నోటికి ఏదోస్తే అది మాట్లాడటం, తోచింది చేయడం పవన్ కి అలవాటు. పుస్తకాల పురుగు అని చెప్పుకునే పవన్ కళ్యాణ్ బహుశా సుమతీ శతకం చదవలేదేమో. ఒకవేళ చదివి ఉంటే తన కోపమే తన శత్రువు అని తెలిసి ఉండేది. పవన్ కళ్యాణ్ చర్యలు మాటలు అభిమానులను రెచ్చగొట్టేదిగా ఉంటున్నాయి. ఇకనైనా పవన్ ఎమోషన్స్ పై అదుపు సాధించకపోతే పరిపూర్ణమైన లీడర్ కావడం కష్టమనే అభిప్రాయాలు వస్తున్నాయి.

#JanaSena Chief #PawanKalyan with followers while reaching #IppatamVillage Guntur pic.twitter.com/lldHIF5DU1

— Nellutla Kavitha (@iamKavithaRao) November 5, 2022

Read also : సినిమాల్లోకి బన్నీ భార్య, ఆ స్టార్ హీరో మూవీతో ఎంట్రీ అంటూ వార్తలు!