రాజు యాదవ్ సినిమా హిట్టా, ఫట్టా..?

ప్రతీ ఒక్కరు ప్రేమను కాపాడుకుంటారు తప్ప కాదనుకోరు. ప్రేమ మత్తులో అమ్మా నాన్న ఇటువంటివి కూడా కనపడవు. ప్రేమ మైకానికి మోసం తోడైతే జీవితం చాలా దారుణంగా మారిపోతుంది. ఇందులో కూడా విషాద ప్రేమ కథ వుంది. ఈ సినిమాలో గెటప్ శ్రీను,అంఖితా కారట్,ఆనంద చక్రపాణి తదితరులు నటించారు. కృష్ణమాచారి కె దర్శకత్వం వహించారు.

సినిమా: రాజు యాదవ్
నటులు:గెటప్ శ్రీను,అంఖితా కారట్,ఆనంద చక్రపాణి తదితరులు
దర్శకుడు:కృష్ణమాచారి కె
రిలీజ్ డేట్: 24-05-2024

కథ మరియు వివరణ:

ఇక కథ ఏంటంటే.. రాజు (గెటప్ శ్రీను) డిగ్రీ ఫెయిలవుతాడు. ఖాళీగా ఊర్లో తిరుగుతూ వుండే ఒక మధ్య తరగతి యువకుడు. ఒక రోజు క్రికెట్ ఆడుతుంటే బాల్ మొఖానికి తగలడంతో అతనిని దగ్గర్లో ఆర్ఎంపీ డాక్టర్ కి చూపిస్తారు. అతను తెలిసి తెలియని వైద్యం చేసి మొహానికి కుట్లు వేస్తాడు. దీంతో రాజు మొఖం ఎప్పుడూ నవ్వుతూ ఉన్నట్లే మారుతుంది. ఆ కారణంగా ఇబ్బందుల్ని ఎదుర్కొంటాడు. అతని ముఖాన్ని చూసి అందరూ హేళన చేస్తారు. ఫ్రెండ్ పెళ్లికి వెళ్ళినప్పుడు అక్కడ స్వీటీ (అంకిత కరాట్) తో ప్రేమలో పడతాడు. తనను ఫాలో అవుతాడు.

నవ్వుతూ ఉండే రాజు ముఖాన్ని అంతా హేళన చేస్తుంటే ఆమె స్నేహం చేస్తుంది. అదే ప్రేమ అని అనుకుంటాడు. రాజు స్వీటీ ని ప్రేమిస్తాడు. ఆమెకు సాఫ్ట్వేర్ ఉద్యోగం వచ్చి హైదరాబాద్ వెళ్ళిపోతుంది. రాజు కూడా ఆమెను వెతుక్కుంటూ స్వీటీ వెనుక వెళ్తాడు. క్యాబ్ డ్రైవర్ అవుతాడు. దీనితో రాజు కథ మలుపు తిరుగుతుంది. స్వీటీ రాజుల మధ్య చివరకు ఏం అయ్యింది? హ్యాపీగా కథ ముగుస్తోందా అనేది చూడాలి.

Also read:

• వాళ్ళకి ఓటమి తప్పదు ! ఇలా అనేసారు ఏంటి వేణు స్వామి గారు

కథ రొటీన్ గానే ఉంది. పైగా నెక్స్ట్ ఏమవుతుంది అనేది తెలిసిపోయేలా వుంది. రాజు స్వీటీల ప్రేమ కథ ముగిసిన తర్వాత వచ్చే సన్నివేశాలు ఎమోషనల్ గా వున్నాయి. ఈ మూవీలో కొన్ని సన్నివేశాలు చూస్తే కళ్ళంట నీళ్లు వస్తాయి. గెటప్ శ్రీనులో బుల్లితెర కమల్ హాసన్ ఉన్నాడని మరోసారి నిరూపించుకున్నాడు. తన ముఖంపై నవ్వు అనే కాన్సెప్ట్ ప్లస్, మైనస్ కూడా అయింది. ఓకే ఎక్స్ప్రెషన్స్ తో గెటప్ శ్రీను ని చూడడం బోరింగ్ గా ఉంది గెటప్ శ్రీను అంటే కామెడీని ఎక్స్పెక్ట్ చేస్తారు కానీ అదే మైనస్ అయిపోయింది. హీరోయిన్ తన పాత్రకి తగ్గట్టుగా న్యాయం చేసింది.

Also read:

• కర్మకాండలు, అంత్యక్రియలు కొడుకులే ఎందుకు చెయ్యాలి..?

ప్లస్ పాయింట్లు:

నటీనటులు
సినిమాటోగ్రఫీ
ఎమోషన్స్

మైనస్ పాయింట్స్:

రొటీన్ కథ
కాన్సెప్ట్

రేటింగ్ 2.5/5

తెలుగు సినిమా వార్తల కోసం ఇవి చూడండి! తెలుగు న్యూస్ కోసం ఇవి చూడండి!