రామ్ చరణ్ గేమ్ ఛేంజర్‌ రిలీజ్ కి అదొక్కటే ఛాయిస్ ఉందా?

రామ్ చరణ్ గేమ్ ఛేంజర్‌కి ఇప్పుడు ఒకే ఒక రిలీజ్ ఆప్షన్ ఉంది. మెగా పవర్ స్టార్ రామ్ చరణ్ హీరోగా శంకర్ షణ్ముగం దర్శకత్వంలో తెరకెక్కుతున్న గేమ్ ఛేంజర్ సినిమా చాలా కాలంగా మేకింగ్ దశలోనే ఉంది. అన్నీ సర్దుకున్నాయి.. త్వరలోనే ఈ సినిమా రిలీజ్ చేస్తారు అనుకుంటున్న తరుణంలో ఈ సినిమా రిలీజ్ కి మళ్ళీ సమస్యలు ఎదురవుతున్నాయి. గేమ్ ఛేంజర్ సెప్టెంబర్ 2024లో విడుదలవుతుందని నిర్మాత దిల్ రాజు కొన్ని వారాల క్రితం ఒక ప్రకటన చేశారు. అయితే, పవన్ కళ్యాణ్ ‘దే కాల్ హిమ్ OG’ సెప్టెంబర్ 27న రిలీజ్ అయ్యే అవకాశం ఉండడంతో గేమ్ ఛేంజర్ సినిమా రిలీజ్ డేట్ కోసం మళ్ళీ ఎదురు చూడాల్సి వస్తోంది.

గేమ్ ఛేంజర్ ఇండియన్ 2 కారణంగా షూటింగ్ సమయంలో లెక్కలేనన్ని కష్టాలు మరియు ఆలస్యాన్ని ఎదుర్కొంది. ఇప్పుడు ఇండియన్ 2 పుష్ప 2 వాయిదా పడితే ఆగస్ట్ 15న విడుదల చేయడానికి ప్లాన్ చేస్తున్నట్టు లేదా జూలైలో విడుదల కావచ్చని ఓ సందర్భంలో న్యూస్ అప్ డేట్ వచ్చింది. దీన్ని బట్టి గేమ్ ఛేంజర్ ఇండియన్ 2 కంటే ముందు విడుదలయ్యే అవకాశం లేదు అని తెలుస్తోంది.

సెప్టెంబరు 27 తేదీని ఇప్పటికే పవన్ కళ్యాణ్ యొక్క OG బ్లాక్ చేయడం మరియు ఎన్టీఆర్ యొక్క దేవర దసరా టైం లో రిలీజ్ కాబోతున్నందున రామ్ చరణ్ మరియు శంకర్ సినిమా గేమ్ ఛేంజర్ కి మాత్రం సరైన రిలీజ్ డేట్ దొరకలేదు. మెగాస్టార్ చిరంజీవి విశ్వంభర చిత్రం 2025 సంక్రాంతికి రిలీజ్ చేస్తున్నట్లు ఇప్పటికే ప్రకటించారు. కాబట్టి ఆ టైం కి కూడా గేమ్ ఛేంజర్ కు డేట్ దొరకదు. నవంబర్ నెలలో పెద్ద సినిమాలు రిలీజ్ చేయడానికి అంత మంచి టైం కాదు. ఇక రామ్ చరణ్ గేమ్ ఛేంజర్ కు ఉన్న ఒక్కటే ఆప్షన్ క్రిస్మస్. అది తప్పితే.. మళ్ళీ 2025 సమ్మర్ వరకు డేట్ దొరికే అవకాశం లేదని తెలుస్తోంది.

Read More:

అత్తింటి నగరం అయోధ్యని సీతాదేవి శపించిందా? ఎందుకు? చివరకు విమోచనం ఎలా జరిగింది?

ఇన్ఫోసిస్ నారాయణ, సుధల లవ్ స్టోరీ గురించి తెలుసా? చివరకు పెళ్లి ఖర్చు కూడా?