వారసుడులో శ్రీకాంత్ రోల్ ఏమిటో తెలుసా?

తలపతి విజయ్ కు తమిళంతో పాటు తెలుగులోనూ ఫుల్ క్రేజ్ ఉన్న సంగతి తెలిసిందే. ఈ నేపథ్యంలోనే తెలుగులో డైరెక్ట్ సినిమా చేశారు. అదే తలపతి విజయ్ హీరోగా, వంశీ పైడిపల్లి దర్శకత్వంలో రూపొందిన చిన్న వారిసు. తెలుగులో ఈ సినిమాను వారసుడు పేరుతో విడుదల చేయనున్నారు. సంక్రాంతి కానుకగా జనవరి 12న ప్రేక్షకుల ముందుకు రానున్న ఈ సినిమాలో రష్మిక హీరోయిన్ గా చేసింది.

టాలీవుడ్ నటుడు శ్రీకాంత్ కీలక పాత్రలో మెప్పించారు. తమిళంలో ఆయన నటించిన తొలి చిత్రం ఇదే కావడం విశేషం. ఈ సందర్భంగా వారసుడు చిత్రం గురించి కొన్ని ఆసక్తికర విషయాలను పంచుకున్నారు. ఈ చిత్రంలో విజయ్ సోదరుడిగా నటించానని తెలిపారు.

“విజయ్ సోదరుడిగా ఈ సినిమాలో కీలకపాత్రలో నటించాను. బ్రదర్స్, సిస్టర్స్ మధ్య నడిచే అద్భుతమైన భావోద్వేగాలు ఈ సినిమాలో ఉంటాయి. తెలుగు, తమిళం రెండు భాషల్లోనూ విడుదల కానుంది. పూర్తిగా తెలుగు నేటివీటికి తగినట్టుగా ఉంటుంది. టాలీవుడ్ ప్రేక్షకుల్లో గుర్తింపు ఉన్న చాలా మంది నెటిజన్లు ఇందులో నటించారు” అని శ్రీకాంత్ స్పష్టం చేశారు. తన పాత్ర చిత్రంలో ఫుల్ లెంగ్త్ లో ఉంటుందని శ్రీకాంత్ అన్నారు. కాగా, వంశీ పైడిపల్లి దర్శకత్వం వహిస్తున్న ఈ సినిమాకు తమన్ సంగీతాన్ని సమకూరుస్తున్నారు. ప్రవీణ్ కేఎల్ ఎడిటింగ్ బాధ్యతలు తీసుకోగా, కార్తీక్ పలని సినిమాటోగ్రాఫర్ గా వ్యవహరిస్తున్నారు. ఈ సినిమా సంక్రాంతి కానుకగా జనవరి 12న విడుదల కానుంది.

Read also: పెళ్లయిన నాలుగు నెలలకే ప్రియుడితో పరార్.. కానీ చివరకు..!!