యూ ట్యూబ్ లో శ్రీమంతుడు సినిమా అరుదైన రికార్డు..!

టాలీవుడ్ హీరో మహేష్ బాబు గురించి ప్రత్యేకంగా చెప్పాల్సిన అవసరమే లేదు. మహేష్ బాబు-కొరటాల శివ కాంబోలో వచ్చిన సోషల్ మెసెజ్ ఓరియెంటేడ్ మూవీ శ్రీమంతుడు. మహేష్ బాబు సరసన శృతి హాసన్ హీరోయిన్ గా నటించింది. ఈ చిత్రంలో  జగపతి బాబు, రాజేంద్ర ప్రసాద్, రాహుల్ రవీంద్రన్ లు కీలక పాత్రలలో నటించారు. తాజాగా తెలుస్తున్న సమాచారం ప్రకారం ఈ సినిమా యూ ట్యూబ్ లో సరికొత్త రికార్డును సృష్టించింది.

 యూ ట్యూబ్ లో చూడడానికి అందుబాటులోకి వచ్చినప్పటి నుంచి ఇప్పటి వరకు 200 మిలియన్ వ్యూస్ దక్కించుకుని  సంచలనాన్ని నమోదు చేసింది. ఇప్పటి వరకు తెలుగు సినిమా చరిత్రలో ఏ సినిమా కూడా ఇన్ని వ్యూస్ ను దక్కించుకున్న దాఖలాలు లేవు.  ఇక సినిమా లో ఉన్న ఊరి కోసం ఏదైనా చేయాలి అన్న తపన కథానాయకుడితో ఉండడం.. ఆ స్పిరిట్ ను సినిమా లో  అలాగే కంటిన్యూ చేయడంలో డైరెక్టర్ మంచి  సక్సెస్  సాధించాడు. ఈ సినిమాను చూసి ఎందరో తమ సొంత ఊరి కోసం ఏదోకటి చేసేలా ప్రేరేపితం అయ్యారని చెప్పాలి. అప్పటి నుంచి ఇప్పటివరకు ఏదో ఒక సందర్భంలో శ్రీమంతుడు మూవీని గుర్తు చేసుకుంటూనే ఉన్నారు జనాలు.