రోహిత్‌ శర్మ నుంచి అది కూడా లాగేసుకుంటా – సూర్య కుమార్ యాదవ్

సూర్య కుమార్ యాదవ్, ఈ పేరు ఇప్పుడు ఇండియన్ క్రికెట్ లో ఓ వైబ్రేషన్. అద్భుతమైన ఆట తీరుతో చెలరేగిపోతున్నాడు సూర్య కుమార్ యాదవ్. ఆయన ఆటతీరుతో రికార్డులన్నీ బద్దలవుతున్నాయి. ఆకాశమే హద్దుగా చెలరేగిపోతున్న సూర్య కుమార్ యాదవ్, ప్రత్యర్థి బౌలర్లకు చుక్కలు చూపిస్తున్నాడు. ఐపీఎల్ లో కోల్ కత్తా నైట్ రైడర్స్ తరఫున ఆడి వెలుగులోకి వచ్చిన సూర్య కుమార్ యాదవ్.. ఆ తర్వాత రోహిత్ శర్మ కి ప్రిన్సి లోని ముంబై ఇండియన్స్ కు ఆడి, స్టార్ క్రికెటర్ గా ఎదిగాడు.

ఐపీఎల్ లో అదరగొడుతున్నా, సూర్యకు జాతీయ జట్టు నుంచి వెంటనే పిలుపు రాలేదు. నిజానికి సూర్యాకు టీమిండియాలో ఆడే ఛాన్స్ అవకాశం చాలా ఆలస్యంగానే వచ్చిందని చెప్పాలి. కానీ లేటుగా వచ్చి లేటెస్ట్ గా వాయిస్తున్నాడు సూర్య. ఇటీవల ముగిసిన టి20 ప్రపంచ కప్ 2022లో మూడు హాఫ్ సెంచరీ లతో సత్తా చాటిన సూర్య, ఆ తర్వాత న్యూజిలాండ్ తో జరిగిన టి20 సిరీస్ లో దుమ్ములేపాడు. తొలి మ్యాచ్ వర్షం కారణంగా రద్దుకాగా, రెండో మ్యాచ్ లో సెంచరీ తో న్యూజిలాండ్ బౌలింగ్ ను చెడుగుడు ఆడేసుకున్నాడు సూర్య భాయ్.

ఇక సూర్యకుమార్ యాదవ్ దాటికి టీమిండియా ఆ సిరీస్ ను 1-0 తేడాతో కైవసం చేసుకుంది. టి20 లలో తిరుగులేకుండా సాగిపోతున్న సూర్య కుమార్.. వన్డేల్లోనూ సత్తా చాటాలని ఉత్సాహంగా ఉన్నాడు. అయితే ఈ నేపథ్యంలోనే సూర్య కుమార్ యాదవ్ పలు ఆసక్తికరమైన విషయాలపై స్పందించాడు. రెండో వన్డే కు ముందు మీడియాతో మాట్లాడుతూ… టీమిండియా కెప్టెన్ రోహిత్ శర్మ నుంచి ఏదైనా దొంగలించాల్సి వస్తే ఏం దొంగలిస్తావు అని ఎదురైన ప్రశ్నకే సూర్య బదులిస్తూ… రోహిత్ శర్మ ఫుల్ షాట్ ను తీసుకుంటానని అన్నాడు. ఇప్పటికే ప్రపంచంలో ఏ క్రికెటర్ కు లేనన్ని షాట్లు కలిగి ఉన్న సూర్య.. రోహిత్ శర్మ ఫుల్ షాట్ పై మాత్రం మనసు పారేసుకున్నాడు. అయితే రోహిత్ శర్మ ఫుల్ షాట్ ను ఎంత అద్భుతంగా ఆడతాడో ప్రత్యేకంగా చెప్పాల్సిన పనిలేదు. ఫుల్ షాట్ రోహిత్ కు అత్యంత ఫేవరెట్ షాట్ అని క్రికెట్ అభిమానులందరికీ తెలుసు. అయితే ఆ షార్ట్ నీ సూర్య అడగడం ఇక్కడ గమనార్హం.

read also : శాంసన్ పై కొనసాగుతున్న వివక్ష! అందుకే శాంసన్ ను పక్కన పెట్టామన్న ధావన్..