నాగార్జున, చిరంజీవి వారి సినిమాల ప్రీ రిలీజ్ ఈవెంట్లని ఎందుకు రాయలసీమ లోనే జరిపారంటే ?

మెగాస్టార్ చిరంజీవి నటించిన ‘గాడ్ ఫాదర్’ అక్కినేని నాగార్జున నటించిన ‘ది ఘోస్ట్’ సినిమాలు ఒకేరోజు ప్రేక్షకుల ముందుకు రానున్నాయి. అక్టోబర్ 5న ఈ రెండు సినిమాలు రిలీజ్ డేట్ ఫిక్స్ చేసుకున్నాయి. చిరు, నాగార్జున మంచి స్నేహితులనే సంగతి తెలిసిందే. ఇద్దరు సీనియర్ హీరోలే. అయితే ఇప్పుడు వీరిద్దరూ పోటీ పడడానికి రెడీ అవ్వడం చర్చకు దారితీసింది. అంతేకాదు ఈ రెండు ఫ్రీ రిలీజ్ ఈవెంట్లను రాయలసీమలోనే ప్లాన్ చేశాయి.

నాగార్జున-ప్రవీణ్ సత్తారు కాంబినేషన్ లో రూపొందిన ‘ది ఘోస్ట్’ సినిమా ఫ్రీ రిలీజ్ ఈవెంట్ ను ఈ నెల 25న అంటే నిన్ననే కర్నూలు లో నిర్వహించారు. ఆ తర్వాత చిరంజీవి-మోహన్ రాజా ‘గాడ్ ఫాదర్’ ఫ్రీ రిలీజ్ ఈవెంట్ 28న అనంతపురంలో జరగనుంది. దీనిపై అఫీషియల్ ప్రకటన కూడా వచ్చింది. దీంతో ఇద్దరు స్టార్ హీరోలు ఫ్రీ రిలీజ్ ఈవెంట్లు అక్కడే ఎందుకు చేస్తున్నారు అనే చర్చ మొదలైంది.

చిరంజీవి ‘గాడ్ ఫాదర్’ సినిమా అనంతపురం బ్యాక్ డ్రాప్ ఉంటుందని టాక్. అందుకే అక్కడ చేస్తున్నారట. ఇక నాగార్జున ‘ఘోస్ట్’ సంగతి తెలియడం లేదు. అయితే ఈ కారణం కాకుండా మాస్ లోకి సినిమాకు తీసుకెళ్లే ఉద్దేశంలోనే రాయలసీమకు వెళ్తున్నారని చెప్పొచ్చు. చిరంజీవి, నాగార్జునకు అక్కడ మంచి ఫ్యాన్ బేస్ ఉంది. అందుకోసమే అక్కడ దృష్టి సారించారట. సినిమా సక్సెస్ మీట్ ను విశాఖపట్నం లేదా గుంటూరులో చేసే అవకాశం ఉంటుంది. కాబట్టి ఫ్రీ రిలీజ్ ఇక్కడ చేస్తున్నారని అంటున్నారు.

Read also : ప్రభాస్ కాకుండా, ఆ హీరో కూడా కృష్ణంరాజు వారసుడట!