Advertisement
సాయి తేజ హీరోగా, డైరెక్టర్ కార్తీ దండు కాంబోలో చిత్రం రూపొందుతోంది. తాజాగా ఆ సినిమా టైటిల్ ను మూవీ యూనిట్ బుధవారం రిలీజ్ చేసింది. యాక్షన్ ఎంటర్టైనర్ గా తెరకెక్కుతున్న ఈ చిత్రానికి ‘విరూపాక్ష’ అనే పేరు ఖరారు చేశారు. ఇందులో సంయుక్త మీనన్ హీరోయిన్ గా నటిస్తోంది. ఈ మూవీ శ్రీ వెంకటేశ్వర సినీ చిత్రపతాకంపై బి.వి.ఎస్.ఎన్ ప్రసాద్ నిర్మిస్తున్నారు. కాగా టైటిల్, పోస్టర్ తో పాటు గ్లింప్స్ ను కూడా రిలీజ్ చేశారు.
Advertisement
జూనియర్ ఎన్టీఆర్ వాయిస్ ఓవర్ తో ఈ గ్లింప్స్ ను వదలడం విశేషం. అసలు నిజాన్ని చూపించే మరో నేత్రమే ‘విరూపాక్ష’ అంటూ టైటిల్ విషయంలో ఒక క్లారిఫికేషన్ ఇచ్చారు. టైటిల్ ను డిజైన్ చేయించిన తీరు కూడా ఫ్యాన్స్ ని ఆకట్టుకుంటుంది. అయితే కాంతార తరహా కాన్సెప్ట్ తోనే ఈ సినిమా తెరకెక్కుతుందని సమాచారం అందుతుంది. అదే సమయంలో కాంతార సినిమాకు మ్యూజిక్ డైరెక్టర్ గా వ్యవహరించిన అజనీష్ లోకేష్ ఈ సినిమాకు మ్యూజిక్ అందిస్తున్నారని సమాచారం.
Advertisement
కొంతకాలం గ్యాప్ తర్వాత సాయితేజ్ నటిస్తున్న ఈ సినిమాపై మంచి అంచనాలు ఏర్పడ్డాయి. ఈ సినిమాతో సాయితేజ్ ఖాతాలో మరో సక్సెస్ చేరడం గ్యారంటీ అని నెటిజన్లు చెబుతున్నారు. ఈ సినిమా సాయితేజ్ లో బిజినెస్ హిట్ గా నిలుస్తుందని కామెంట్లు వినిపిస్తున్నాయి. సాయి తేజ్ మారుతున్న కాలానికి అనుగుణంగా విభిన్నమైన కథలకు ఓటేస్తుండటం గమనార్హం. నిర్మాత బి.వి.ఎస్.ఎన్ ప్రసాద్ తో ఉన్న అనుబంధం వల్లే ఎన్టీఆర్ ఈ సినిమాకు వాయిస్ ఓవర్ ఇవ్వడానికి అంగీకరించాలని కామెంట్లు వ్యక్తం అవుతున్నాయి. సుకుమార్ రైటింగ్స్, శ్రీ వెంకటేశ్వర సినీ చిత్ర బ్యానర్ పై ఈ సినిమా తెరకెక్కుతుండటం గమనార్హం. సాయితేజ్ తర్వాత ప్రాజెక్టులకు సంబంధించి త్వరలో ప్రకటనలు వెలవడనున్నాయి.
