టాలీవుడ్ లో ఇప్పటిదాకా "లాయర్" పాత్రల్లో కనిపించిన స్టార్ హీరోలు వీరేనా ?

పవర్ స్టార్ పవన్ కళ్యాణ్ నటించిన వకీల్ సాబ్ సినిమా సూపర్ హిట్ అయింది. తన కెరీర్ లో చాలా మంచి రోల్స్ చేసిన పవన్ కళ్యాణ్ లాయర్ గా కనిపించడం ఇదే తొలిసారి. దాంతో ఈ లాయర్ జాబ్ కి ఇప్పుడు చాలా క్రేజ్ వచ్చింది. ఇప్పుడు బయట ఓ కొత్త రకం వాదన వినిపిస్తుంది.

అదేంటంటే చాలామందికి లాయర్ వృత్తిపై గౌరవం పెరిగి, లా కోర్సులు చేయడానికి రెడీ అవుతున్నారట. అలా వకీల్ సాబ్ సినిమా చాలామందికి కనువిప్పు తెచ్చింది అంటున్నారు. అయితే గతంలో లేని పాపులారిటీ ఇప్పుడు ఎలా వచ్చింది. గతంలో మన టాలీవుడ్ హీరోలు ఎవరెవరు ఈ లాయర్ సాబ్ పాత్రలు పోషించారు అనేది చూద్దాం.

చెట్టు కింద ప్లీడర్ సినిమాలో రాజేంద్రప్రసాద్ లాయర్ గా నటించి నవ్వుల పువ్వులు పూయించారు.

ఈ మధ్య యంగ్ హీరో సందీప్ కిషన్ తెనాలి రామకృష్ణ సినిమాలో లాయర్ గా పవర్ఫుల్ పాత్ర పోషించాడు.

రాజమౌళి దర్శకత్వంలో వచ్చిన స్టూడెంట్ నెంబర్ వన్ చిత్రంలో కూడా ఎన్టీఆర్ లాయర్ పాత్రలో అద్భుతంగా నటించాడు.

నాగార్జున మోహన్ బాబు అధిపతి సినిమాలో లాయర్ గా నటించాడు. మోహన్ బాబు ను ఓ పెద్ద కేసు నుంచి తప్పించే లాయర్ పాత్రను నాగార్జున పోషించి ఆ సినిమాకి గెస్ట్ గా వచ్చాడు.

హీరో శ్రీకాంత్ రాధాగోపాలం సినిమాలో లాయర్ పాత్రలో నటించాడు.

సూపర్ స్టార్ కృష్ణ గూండారాజ్యంలో, చిరంజీవి అభిలాషలో, వెంకటేష్ ధర్మచక్రంలో, ఎన్టీఆర్ లాయర్ విశ్వనాథం, అక్కినేని నాగేశ్వరరావు సుడిగుండాలు, లో లాయర్ పాత్రలు పోషించి ఆ పాత్రలకు ప్రాణం పోశారు.

అలాగే లాయర్ వృత్తిపట్ల ఇష్టాన్ని కూడా పెంపొందించారు. ఇంకా సత్యదేవ్ తిమ్మరుసు, గోపీచంద్ పక్క కమర్షియల్ చిత్రాలతో లాయర్లుగా ప్రేక్షకుల ముందుకు వచ్చారు. కానీ ఈ సినిమాలు బొక్క బోర్ల పడ్డాయి.

Related posts:

About anji