ప్రాజెక్ట్ K , గేమ్ ఛేంజర్ లాగానే షూటింగ్ టైం లోనే లీక్ అయిన సినిమాల లిస్ట్ ఇదే.. ఓ లుక్ వేయండి!

ఒక సినిమా షూటింగ్ పూర్తి చేసుకుని రిలీజ్ అవ్వాలి అంటే ఎన్నో గండాలను దాటాల్సి ఉంటుంది. స్క్రిప్ట్ వర్క్ పూర్తి చేసుకోవడం, యాక్టర్స్ ను ఎంచుకోవడం.. అన్ని కుదిరి షూటింగ్ పట్టాలెక్కడం ఒకెత్తయితే.. షూటింగ్ పూర్తి అయ్యాక పోస్ట్ ప్రొడక్షన్ పనులు చేసుకుని సినిమా రిలీజ్ అవ్వడం మరొక ఎత్తు. ఈ మధ్యలో వచ్చే గండాల్లో ఒకటి లీకేజి. సినిమా షూటింగ్ సమయంలోనే హీరోల లుక్స్, షూటింగ్ సన్నివేశాలు లీక్ అవడం వంటివి సినిమాను ఇబ్బంది పెడుతూ ఉంటాయి. పెద్ద పెద్ద సినిమాలకు సైతం ఈ లీకుల బెడద తప్పడం లేదు.

ఇప్పటికే రామ్ చరణ్ గేమ్ చేంజర్ సినిమా నుంచి పాట లీక్ అయ్యింది. ఈ పాట లీక్ అవ్వడమే కాదు ట్రోలింగ్ కి కూడా గురి అయ్యింది. పాటను రాసిన వ్యక్తిని, బీట్ కొట్టిన తమన్ ని కూడా ట్రోల్ చేసారు. ఇది ఇలా ఉండగానే.. ప్రభాస్ ప్రాజెక్ట్ k నుంచి తాజాగా పోస్టర్ లీక్ అయ్యింది. దీనితో విఎఫ్ఎక్స్ కంపెనీ పై పరువు నష్టం దావా వేయాలని నిర్ణయించుకుంటున్నారు. ఇలా పెద్ద సినిమాలకే తప్పలేదు. షూటింగ్ సమయంలోనే లీక్ అయిన సినిమాల లిస్ట్ పై ఓ లుక్ వేయండి.

గేమ్ ఛేంజర్:

శంకర్ దర్శకత్వం వహిస్తున్న ఈ సినిమా నుంచి పాట లీక్ అయింది. మరోవైపు ఈ పాటపై ట్రోలింగ్ కూడా జరుగుతోంది. ఈ పాటని ఇప్పుడు సినిమాలో ఉంచుతారో లేదో తెలియదు.

ప్రాజెక్ట్ k :

ప్రభాస్ హీరోగా నాగ్ అశ్విన్ దర్శకత్వంలో రూపొందుతున్న సినిమా ప్రాజెక్ట్ k. ఈ సినిమా కోసం నాగ్ అశ్విన్ అమితాబ్, కమలహాసన్ లాంటి బడా స్టార్స్ ని కూడా తీసుకుంటున్నారు. మరి ఈ సినిమా నుంచి పోస్టర్ లీక్ అవడంతో నాగ్ అశ్విన్ విఎఫ్ఎక్స్ సంస్థపై ఫుల్ ఫైర్ తో ఉన్నారు.

భగవంత్ కేసరి:

బాలకృష్ణ హీరోగా, కాజల్ హీరోయిన్ గా అనిల్ రావిపూడి దర్శకత్వంలో భగవంత్ కేసరి రూపొందుతోంది. ఇందులో శ్రీలీల కూడా నటిస్తున్నారు. ఈ సినిమా నుంచి కూడా షూటింగ్ సమయంలో బాలకృష్ణ లుక్ లీక్ అయింది.

బాహుబలి 1 & 2 :

ప్రభాస్ హీరోగా , రాజమౌళి దర్శకత్వం లో వచ్చిన బాహుబలి సినిమా ఏ రేంజ్ లో హిట్ అయ్యిందో చెప్పాల్సిన అవసరం లేదు. కానీ ఈ రెండు సినిమాలు కూడా రిలీజ్ కు ముందే లీకుల బారిన పడ్డాయి.

అత్తారింటికి దారేది:

పవన్ కళ్యాణ్ హీరోగా, త్రివిక్రమ్ దర్శకత్వం లో వచ్చిన అత్తారింటికి దారేది సినిమా కూడా సూపర్ హిట్ అయ్యింది. ఈ సినిమాకు కూడా రిలీజ్ కు ముందే లీకుల బాధ తప్పలేదు.