ఫిష్ వెంకట్‌ దీన స్థితి చూసి చలించిపోయిన ప్రముఖ నిర్మాత…!

వందలాది తెలుగు సినిమాల్లో కామెడీ విలన్ గా నటించారు ఫిష్ వెంకట్. ఇప్పుడు ఆయన దారుణ పరిస్థితిలో ఉన్నారు. కాళ్ళు మొత్తం ఇన్ఫెక్షన్ కి గురైంది. రెండు కిడ్నీలు కూడా పాడైపోయాయి, ఏడదిన్నరగా పంజాగుట్ట నిమ్స్ హాస్పిటల్లో డయాలసిస్ చేయించుకుంటున్నారు, అనారోగ్య సమస్యతో ఇబ్బంది పడుతున్న వెంకటేష్ ని చూసి ప్రముఖ నిర్మాత చదలవాడ శ్రీనివాసరావు లక్ష రూపాయలు ఆర్థిక సహాయం అందించారు. ప్రస్తుతం హైదరాబాద్లోని రామ్ నగర్ లో తన ఇంట్లోనే దయనీయ జీవితం గడుపుతున్నారు.

ఇటీవల ప్రముఖ ఛానల్ ఆయనను సంప్రదించింది ఆయన పరిస్థితిని వెలుగులోకి తీసుకువచ్చింది, ఇంటర్వ్యూ వేదికగా తన కుటుంబాన్ని ఆదుకోవాలని ఆయన కోరారు. ఆయన పరిస్థితి చూసిన అభిమానులు, నెటిజన్స్ ఎమోషనల్ అయ్యారు. నటుడు దిన పరిస్థితిని చూడలేక చదలవాడ శ్రీనివాసరావు ఆర్థిక సహాయాన్ని అందించారు. టిఎఫ్ పిసి ట్రెజరర్, నిర్మాత రామసత్యనారాయణ, సెక్రటరీ టీ ప్రసన్నకుమార్, దర్శకుడు కే అజయ్ కుమార్, తెలుగు ఫిలిం ఫెడరేషన్ ప్రెసిడెంట్ అనిల్ చదలవాడ శ్రీనివాసరావు తరపున ఫిష్ వెంకట్ కి లక్ష రూపాయలు చెక్కును అందించారు.

Also read:

• 35 Chinna Katha kadhu Review: ’35 చిన్న కథ కాదు’ కథ, రివ్యూ అండ్ రేటింగ్..!

తన కష్టాన్ని తెలుసుకుని అడగకుండా లక్ష రూపాయలు సహాయం అందించిన చదరవాడకు వెంకట్ ప్రత్యేక ధన్యవాదాలు తెలిపారు, ఆయన చేసిన సహాయాన్ని జీవితంలో ఎప్పటికీ మర్చిపోలేనని అన్నారు. ఆ భగవంతుడి ఆశీస్సులు ఆయనపై ఉండాలని మనస్పూర్తిగా కోరుకుంటున్నానని ఫిష్ వెంకట్ భావోద్వేగానికి లోనయ్యారు. నిర్మాత చదలవాడా శ్రీనివాసరావు లాగే మరికొందరు దాతలు, సినీ పెద్దలు ముందుకు వచ్చి ఆదుకోవాలని నెటిజెన్స్ కోరుతున్నారు.

తెలుగు సినిమా వార్తలు కోసం ఇవి చూడండి! తెలుగు న్యూస్ కోసం ఇవి చూడండి!