Telugu Heroines: ప్రస్తుతం చేతిలో ఒక్క సినిమా లేని 6 స్టార్ హీరోయిన్స్ !

వరుసగా ఒకేసారి రెండు మూడు సినిమాలు చేసే హీరోయిన్లు హఠాత్తుగా మరో ఇతర సినిమాకు సైన్ చేయకపోతే.. వారి ఫాన్స్ హీరోయిన్స్ నెక్స్ట్ అప్ డేట్ గురించి ఎదురు చూస్తూ ఉంటారు. వారు ఇతర భాషా సినిమాలు చేస్తున్నా, డైరీలో తెలుగు సినిమా లేకపోవడం అభిమానులకు నిరాశ కలిగించే విషయమే. అయితే.. అసలు ఏ భాషా ఇండస్ట్రీ లో కూడా సినిమాకు సైన్ చేయకపోవడం అనేది అభిమానులకు కొంత బాధ కలిగించే విషయమే. ఒకప్పుడు టాప్ హీరోయిన్స్ గా కొనసాగి.. చేతిలో సినిమాలు లేకుండా ఉన్న హీరోయిన్స్ ఎవరో ఓ లుక్ వేద్దాం.

అనుష్క శెట్టి:

కమర్షియల్ చిత్రాలతో పాటు లేడీ ఓరియెంటెడ్ చిత్రాల్లో కథానాయికగా మెప్పించిన అనుష్క జోరు గతంతో పోలిస్తే తగ్గిందనే చెప్పాలి. ఏడాదికి ఐదారు తెలుగు సినిమాలు చేసిన ఆమె ఇప్పుడు ఏడాదికి ఒక సినిమా రిలీజ్ అవ్వడం గగనమే అవుతోంది. 2021 మరియు 2022 లలో ఆమె ఒక్క సినిమా కూడా చెయ్యలేదు. 2023 లో ‘మిస్‌ శెట్టి మిస్టర్‌ పాలిశెట్టి’ తో అలరించింది.

సమంత:

సౌత్ లో స్టార్ హీరోయిన్ గా దూసుకుపోతున్న సమంత ఏడాది పాటు సినిమాలకు గ్యాప్ ఇచ్చిన సంగతి తెలిసిందే. ‘మయోసైటిస్’ వ్యాధి బారిన పడి కొన్నాళ్లు షూటింగ్‌లకు దూరంగా ఉంటూ చికిత్స తీసుకుని సినిమాలు చేసింది. దీనితో సమంత స్పీడ్ పెంచుతుంది అని అభిమానులు ఆశించారు కానీ, ఆమె విరామం తీసుకుంటున్నట్లు ప్రకటించారు.

రకుల్:

క్రిష్ దర్శకత్వంలో తెరకెక్కిన ‘కొండపొలం’ సినిమాలో రకుల్ నటించింది. ఈ సినిమా అక్టోబర్ 8, 2021న విడుదలైంది. ఆ తర్వాత రకుల్ మరో తెలుగు సినిమా చేయలేదు. మొన్నటి వరకు స్టార్ హీరోయిన్ గా కొనసాగిన రకుల్ ప్రీత్ సింగ్ ప్రస్తుతం తెలుగు సినిమాలేవీ చెయ్యడం లేదు.

కృతిశెట్టి:

కృతి శెట్టి తెలుగు ఇండస్ట్రీలోకి ‘ఉప్పెన’లా దూసుకొచ్చింది. బేబమ్మగా తొలి చిత్రం ‘ఉప్పెన’ (2021)తో తెలుగు ప్రేక్షకుల మనసు దోచుకుంది ఈ బ్యూటీ. గత సంవత్సరం (2022) కృతి శెట్టి నటించిన ‘బంగార్రాజు, ది వారియర్, మాచర్ల నియోజకవర్గం రిలీజ్ అయ్యాయి. ఈ ఏడాది మాత్రం కస్టడీ ఒక్కటే రిలీజ్ అయ్యింది. ప్రస్తుతం కృతి కూడా ఏ తెలుగు సినిమాకి సైన్ చేయలేదు.

కీర్తి సురేష్:

2023 లో ‘దసరా, భోళా శంకర్’ సినిమాలతో అలరించిన కీర్తి సురేష్ వీటి తరువాత మరే ఇతర తెలుగు సినిమాను సైన్ చేయలేదు.

పూజా హెగ్డే:

లాస్ట్ ఇయర్ లో వచ్చిన ఆచార్య సినిమా తరువాత పూజ మరో తెలుగు సినిమాకు సైన్ చేయలేదట. ‘గుంటూరు కారం’ సినిమాలో ఆమెను తీసుకున్నప్పటికీ.. ఆమె ఆ సినిమా నుంచి తప్పుకున్నారు.

నభా నటేష్:

‘నన్ను దోచుకుందువటే’ (2018) సినిమాతో తెలుగు వారికి పరిచయం అయిన బ్యూటీ నభా నటేష్. ఈ సినిమా తరువాత తెలుగు సినిమాలు చాలానే చేసింది. కానీ, ‘మాస్ట్రో’ (2021) తర్వాత ఆమె ఏ తెలుగు సినిమాకి సైన్ చేయలేదు.

మెహరీన్:

మెహరీన్ కూడా తెలుగు సినిమాలు తగ్గించారని చెప్పచ్చు. ఈ ఏడాది ఆమె స్కార్ఫ్ అనే తెలుగు, తమిళ్ సినిమాలో నటిస్తున్నారు. దీని తరువాత ఆమె ఏ తెలుగు సినిమాకి సైన్ చేసారో తెలియాల్సి ఉంది.