గురూజీ TCU ప్లాన్ చేస్తున్నారా ? అరవింద సమేత, గుంటూరు కారం సినిమాలకి లింక్ ఇదేనా ?

ఒకప్పుడు ఏదైనా సినిమాకు సీక్వెల్ సినిమా తీస్తుంటే అదో గొప్ప విషయంలా చెప్పుకునే వారు. సీక్వెల్ అనేది చాలా ట్రేండింగ్ గా ఉండేది. ఈ మధ్య కూడా సీక్వెల్ సినిమాలు రావడం కామన్ అయిపొయింది. అయితే.. ఇప్పుడు సీక్వెల్ కంటే మరో అంశం ట్రేండింగ్ లో నిలుస్తోంది. అదే సినిమాటిక్ యూనివర్స్. అంటే, ఒక సినిమా కు సంబంధించిన లింక్ ను ఇంకో సినిమాకు కలుపుతూ మరో సినిమాను కూడా లింక్ చేసుకుంటూ పోవడం. ఇప్పటికే లోకేష్ సినిమాటిక్ యూనివర్స్, ప్రశాంత్ వర్మ సినిమాటిక్ యూనివర్స్ బాగా పాపులర్ అయ్యాయి. తాజాగా ఈ లిస్ట్ లోకి గురూజీ సినిమాటిక్ యూనివర్స్ కూడా చేరబోతోందా? అన్న అనుమానం తెలుగు ఆడియన్స్ లో మొదలవుతోంది.

ప్రస్తుతం త్రివిక్రమ్ సూపర్ స్టార్ మహేష్ బాబు హీరోగా తీస్తున్న “గుంటూరు కారం” సినిమాతో బిజీగా ఉన్న సంగతి తెలిసిందే. ఈ సినిమాలో మహేష్ బాబు, శ్రీలీల జంటగా నటిస్తున్నారు. ఇప్పటికే ఈ సినిమా నుంచి విడుదల అయిన పోస్టర్స్ చాలా బాగా పాపులర్ అయ్యాయి. తాజాగా.. దర్శకుడు త్రివిక్రమ్ పుట్టిన రోజు సందర్భంగా ఈ సినిమా నుంచి ఓ సాంగ్ ను రిలీజ్ చేసారు. ఈ సాంగ్ కూడా ఫాన్స్ ను బాగా ఆకట్టుకుంది.

అయితే.. ఈ సాంగ్ లో ఓ చోట కారు మీద రాజకీయ పార్టీ గుర్తు ఉంటుంది. ఇదే గుర్తు ఎన్టీఆర్ అరవింద సమేత సినిమాలో కూడా ఉంటుంది. దీనితో త్రివిక్రమ్ కూడా సినిమాటిక్ యూనివర్స్ ను ప్రారంభించారు అంటూ అభిమానులు చెప్పుకుంటున్నారు. ఇదే ఒకవేళ నిజం అయితే.. “గుంటూరు కారం” సినిమాలో ఎన్టీఆర్ ఎంట్రీ కూడా ఉంటె సినిమా ఓ రేంజ్ లో ఉంటుంది అంటూ ఫ్యాన్స్ ఫుల్ ఖుష్ అయిపోతున్నారు. అయితే.. ఇందులో నిజం ఎంత ఉందొ తెలియాల్సి ఉంది.