Director Trivikram Srinivas Son: డైరెక్టర్ గా పరిచయం కాబోతున్న త్రివిక్రమ్ కొడుకు.. అచ్చం నాన్న లానే..?

Trivikram Srinivas Son: సినిమా ఇండస్ట్రీలోకి రాణించడం అంత తేలిక అయిన విషయమేమీ కాదు. అయితే.. సినిమా ఇండస్ట్రీలో పాపులర్ అయిన సెలెబ్రిటీల వారసులు కూడా సినిమా ఇండస్ట్రీలోకి ఎంట్రీ ఇస్తుండడం మనం చూస్తూనే ఉంటాం.

సినిమా హీరోల పిల్లలు.. తిరిగి హీరోగానో.. హీరోయిన్ గానో ఎంట్రీ ఇవ్వడానికి ఆసక్తి కనబరుస్తూ ఉంటారు. అయితే.. తాజాగా దర్శకుడు త్రివిక్రమ్ కుమారుడు కూడా సినిమా ఇండస్ట్రీలోకి ఎంట్రీ ఇవ్వబోతున్నారట. అయితే.. హీరోగా కాదు.. దర్శకుడిగానే ఎంట్రీ ఇవ్వాలని అనుకుంటున్నారట. ఇందుకు సంబంధించిన వార్తా ఇప్పుడు నెట్టింట్లో వైరల్ అవుతోంది.

త్రివిక్రమ్ సినిమాలు ఎంత స్పెషల్ గా ఉంటాయో చెప్పక్కర్లేదు. జోనర్ ఏదైనా ఆయన తన మార్క్ ని ప్రత్యేకంగా చూపిస్తుంటారు. ఆయన సినిమాల్లో త్రివిక్రమ్ మాటలు ఓ రేంజ్ లో పేలుతుంటాయి. హారిక అండ్ హాసిని క్రియేషన్స్ అధినేతగా ఉన్న సూర్యదేవర రాధాకృష్ణ త్రివిక్రమ్ ఆప్తుడు. వీరిద్దరి మధ్య సాన్నిహిత్యం వల్లే త్రివిక్రమ్ ఈ బ్యానర్ లో ఎక్కువ సినిమాలు చేసాడు. ఇక ఈ బ్యానర్ కు అనుబంధంగా ఏర్పడ్డ సితార ఎంటర్టైన్మెంట్స్ ను చూసుకోవడానికి సాయి సౌజన్యాని రంగంలోకి దించారు.

ఇప్పటివరకు బయటకు పెద్దగా రాని సాయి సౌజన్య సితార ఎంటర్టైన్మెంట్ కోసం లైమ్ లైట్ లోకి వస్తున్నారు. ఈ ప్రొడక్షన్స్ లో రూపొందుతున్న సినిమాల కోసం ఆమె గట్టిగానే కష్టపడుతున్నారు. ఈ సినిమాల ప్రమోషన్స్ లలో కూడా పాల్గొంటున్నారు. ఈ సందర్భంగా ఓ ఇంటర్వ్యూ లో మాట్లాడిన ఆమె త్రివిక్రమ్ కుమారుడు రిషి కూడా దర్శకుడు అవుతాడని అన్నారు. రిషికి కూడా దర్శకత్వం పై ఆసక్తి ఉందని అన్నారు.

అసలు ఇప్పటివరకు త్రివిక్రమ్ కుమారుడు రిషి ఎలా ఉంటాడో కూడా ఎవరికీ తెలియదు. ఎక్కువగా లైమ్ లైట్ కి దూరంగానే రిషి పెరిగాడు. ఇటీవల నటుడు, ‘సిరివెన్నెల’ సీతారామశాస్త్రి కుమారుడు రాజా చేంబోలు సాయి సౌజన్య మరియు రిషీలతో కలిసి తీసుకున్న సెల్ఫీని పోస్ట్ చేసాడు. దీనితో రిషిని చూసిన అందరు అచ్చం వాళ్ళ నాన్న లానే ఉన్నాడు అంటూ కామెంట్స్ చేస్తున్నారు.

• మరిన్ని తెలుగు సినిమా వార్తల కోసం ఇక్కడ చూడండి ! తెలుగు న్యూస్ కోసం ఇవి చదవండి