తెలంగాణ గ్రూప్‌ 4 నోటిఫికేషన్‌ విడుదల.. విభాగాల వారీగా పోస్టులు.. దరఖాస్తు తేదీల వివరాలివే

TSPSC Group 4 Notification 2022 : తెలంగాణ నిరుద్యోగులకు కేసీఆర్‌ సర్కార్‌ అదిరిపోయే శుభవార్త చెప్పింది. తెలంగాణ గ్రూప్-4 నోటిఫికేషన్ విడుదలైంది. 9,168 పోస్టుల భర్తీకి తెలంగాణ పబ్లిక్ సర్వీస్ కమిషన్ నోటిఫికేషన్ జారీ చేసింది. ఈనెల 23 నుంచి జనవరి 12 వరకు దరఖాస్తులు స్వీకరించనున్నట్లు తెలిపింది. జూనియర్ అసిస్టెంట్, జూనియర్ అకౌంటెంట్, జూనియర్ ఆడిటర్ అండ్ వార్డ్ ఆఫీసర్ తదితర పోస్టులను భర్తీ చేయనున్నది.

ఏప్రిల్ లేదా మే నెలలో పరీక్షలు నిర్వహించనున్నట్లు ప్రకటించింది. పూర్తి వివరాలను tspsc.gov.in వెబ్ సైట్ లో అందుబాటులో ఉంచనున్నట్లు టిఎస్పిఎస్సి సెక్రెటరీ అనిత రామచంద్రన్ తెలిపారు. ఇటీవల 9,168 పోస్టుల భర్తీకి ఆర్థిక శాఖ అనుమతులు జారీ చేసిన విషయం తెలిసిందే. ఈ క్రమంలో టిఎస్పిఎస్సి నోటిఫికేషన్ ను విడుదల చేసింది.

గ్రూప్-4 లో ముఖ్యంగా మూడు కేటగిరీలకు సంబంధించిన పోస్టులు ఉన్నాయి. జూనియర్ అసిస్టెంట్ పోస్టులు 6,859, వార్డు ఆఫీసర్ పోస్టులు 1,862, పంచాయతీరాజ్ శాఖలో భారీ స్థాయిలో 1,245 పోస్టులు, 429 జూనియర్ అకౌంటెంట్ పోస్టులు,18 జూనియర్ ఆడిటర్ పోస్టులు ఉన్నాయి. గతంలో గ్రూప్-2 లో 663 పోస్టులు గుర్తిస్తూ ఉత్తర్వులు జారీ చేసింది. ఇటీవల మరికొన్ని కేటగిరీలకు సంబంధించిన పోస్టులను చేరుస్తూ నిర్ణయం తీసుకున్న విషయం తెలిసిందే.

TSPSC Group 4 Notification 2022 : గ్రూప్ 4 నోటిఫికేషన్ విడుదల

9 వేల 168 పోస్టుల భర్తీకి నోటిఫకేషన్ జారీ చేసిన పబ్లిక్ సర్వీస్ కమిషన్

ఈ నెల 23 నుండి వచ్చే నెల 12 వరకు ధరకాస్తు ల స్వీకరణ

ఏప్రిల్/మే నెలలో గ్రూప్ 4 ఎగ్జామ్