Vadhandhi Telugu Dubbed Web Series : క్రైం థ్రిల్లర్‌ గా SJ సూర్య కొత్త సినిమా..స్ట్రీమింగ్‌ ఎప్పుడంటే ?

Vadhandhi Telugu Dubbed Web Series: నటుడు మరియు దర్శకుడు అయినటువంటి ఎస్.జె.సూర్య గురించి ప్రత్యేకంగా సినీ ప్రేమికులకు పరిచయం చేయాల్సిన అవసరం లేదు. తమిళ ఇండస్ట్రీ ద్వారా కెరియర్ మొదలుపెట్టిన ఎస్.జె.సూర్య ఇప్పటికే తెలుగులో కూడా పలు మూవీలోకి దర్శకత్వం వహించి టాలీవుడ్ ఇండస్ట్రీలో కూడా మంచి గుర్తింపును దక్కించుకున్నాడు. అయితే ఎస్.జె.సూర్య ప్రఖ్యాత ఓటీపీ ప్లాట్ ఫామ్ కోసం తొలిసారి ‘వంధంది: ది ఫెబుల్ ఆఫ్ వేలోని’ అనే వెబ్ సిరీస్ లో నటించాడు.

‘ విక్రమ్ వేద’ మూవీతో సంచలనం సృష్టించిన పుష్కర్-గాయత్రి వాల్ వాచర్ ఫిలిమ్స్ బ్యానర్ పై నిర్మించారు. అండ్రు లూయిస్ రూపొందించిన ఈ మర్డర్ మిస్టరీ థ్రిల్లర్ తమిళంతో పాటు తెలుగు, మలయాళ, కన్నడ, హిందీ భాషల్లో రిలీజ్ కానుంది. ఈ సిరీస్ ని అమెజాన్ ప్రైమ్ లో డిసెంబర్ 2 నుంచి స్ట్రీమింగ్ చేయబోతున్నారు. కార్తీ ‘సర్దార్’ మూవీతో మళ్లీ నటించడం మొదలుపెట్టిన లైలా ఈ సిరీస్ లో కీలక పాత్రలో నటించింది. సంజన నాజర్ వివేక్ ప్రసన్న హరీష్ పేరడీ ఇతర పాత్రలో నటించారు. ఇప్పటికే మేకర్స్ విడుదల చేసిన ఈ మూవీ పోస్టర్స్ సిరీస్ పై అంచనాలను పెంచేశాయి.

తాజాగా ఈ సిరీస్ ట్రైలర్ ని విడుదల చేశారు. అత్యంతం ఉత్కంఠత రేపుతూ ఆకట్టుకుంటుంది. ‘ప్రతి పోలీస్ జీవితంలో ఒక జటలమైన కేసు తగులుతుంది. అది నిజంగా వారికి అత్యంత కీలకంగా మారుతుంది’ అంటూ ఎస్.జె.సూర్య వాయిస్ తో టైలర్ మొదలైంది. ఇందులో అత్యంత తెలి వైన పోలీస్ ఆఫీసర్ వివేక్ పాత్రలో ఎస్.జె.సూర్య నటించాడు. వెలోని అనే అందమైన అమ్మాయి హత్యకు గురవుతుంది. ఆ హత్య కేసుని ఛేదించే పని వివేక్ కు అప్పగిస్తారు. ఈ కేసును వివేక్ ఛేదించగలిగాడా? హంతకుడు ఎవరు? ఈ క్రమంలో వివేక్ కు ఎదురైన సవాల్లేంటి? హత్యకు గురైన వెలోని ఎవరు? ఏంటి ఆమె కథ? అన్నది తెలియాలంటే ఈ సిరీస్ ని చూడాల్సిందే.

Also Read:  ఊహతో హీరో శ్రీకాంత్ విడాకులు?